.د (پیسو انتقال) او اړینو لومړنیو توکو واردولو د تسهیل ناسته ترسره شوه

.د (پیسو انتقال) او اړینو لومړنیو توکو واردولو د تسهیل ناسته ترسره شوه

 افغانستان  افغانستان

په ملي بانک کي د ناستې په تعقیب د مالیې وزارت کي، د رئیس الوزراء د مرستیال ملا عبدالسلام حنفي په مشرۍ او د اقتصاد، صنعت او تجارت د وزیرانو، د افغانستان بانک د رئیس او معاون او د مالیې وزارت د معینانو او اړوندو مسؤولینو په ګډون د (TT د پیسو انتقال) او افغانستان ته د اړینو توکو د تورید لپاره د لازمو آسانتیاوو برابرولو په موخه د روان ۱۴۴۳ کال د صفر میاشتې په ۱۹مه د ماسپښین په ۳بجو د مالیې وزارت خیبر صالون کي ناسته وشوه

دا هم ولولئ | عمران خان: نړیواله ټولنه له افغانستان سره کومک کوي

د افغانستان بانک یوه طرحه او د اړینو لومړنیو خوراکي او طبي توکو لست برابر کړی تر څو افغانستان ته یې د واردولو لپاره لازمې آسانتیاوې برابرې سي، په دې ناسته کي پریکړه وسوه تر څو یاد لست د صنعت او معادنو له خونې سره شریکه سي تر څو د داخلي فابریکو د خامو موادو برعلاوه، نور اړین لومړني توکي هم لست ته داخل سي او په هېواد کي د ننه د خوراکي او طبي توکو کمښت ستونزه هواره او د قېمتونو له لوړېدو مخنیوی وسي. 

همدارنګه پریکړه وسوه چي د افغانستان بانک او ټول اړونده ارګانونه د بانکونو د ستونزو د هوارولو لپاره هڅه کوي تر څو ټولې ستونزي په تدریجي شکل او ښه توګه هوارې سي. همدارنګه د داخلي فابریکاتو د لاتقویې او ملاتړ لپاره هر ډول لازمې هڅي په داسې توګه کیږي چي په هېواد کي د ننه، د توکو قېمتونه هم کنترول او له لوړېدو یې مخنیوی وسي. 

تجارانو په حیرتان بندر کي د ځینو ستونزو یادونه وکړه او د مالیې وزارت ژمنه وکړه تر څو یادې ستونزې په عاجله توګه هوارې کړي. همدارنګه بهرنیو تخنیکي کارګرانو ته د افغانستان د ویزې د تمدید او د افغانستان صادراتو لپاره د لازمو تدابیرو او آسانتیا اړوند هم لازمې پریکړې وسوې. 

د ناستې په پای کي د ا.ا.ا د رئیس الوزراء مرستیال، ښاغلي عبدالسلام حنفي د خصوصي سکتور استازو، سوداګرو او د فابریکو خاوندانو ته ډاډ ورکړ چي د دوی ټولو ستونزو ته به رسېدنه کیږي او د حل لپاره یې لازم تدابیر نیول سوي دي. نوموړي زیاته کړه چي په هېواد کي د اقتصادي چرخش د ښه فعالولو او د کاري فرصتونو د ایجاد په موخه، له اړوندو هېوادونو سره خبرې روانې دي څو (د ټاپي، کاسا۱۰۰ او ټاپ) په شان لویي بین الدولتي پروژې پیل سي.

بحث کې برخه واخلئ

Your email address will not be published.