ای سي سي یا د کرېکټ نړیوالې شورا نوې درجه بندۍ کې رحمانالله ګُربز د نړۍ ۱۰ غوره توپوهونکو په نوملړ کې راغلی دی
د کرېکټ نړیوالې شورا (ایسيسي) په نوې درجه بندۍ کې رحمانالله ګُربز لومړی افغان لوبغاړی شو چې په یو ورځنیو نړیوالو سیالیو کې د ۱۰ غوره توپوهونکو په کتار کې راغلی دی.
نوموړې شورا چهارشنبه د تلې پر ۴مه په یو راپور کې ویلي، دا لومړی ځل دی چې یو افغان توپوهونکی د نړۍ ۱۰ غوره توپوهونکو په کتار کې «اتم» ځای نیسي.
د نړۍ نور غوره توپ وهونکي
د راپور لهمخې، بابر اعظم په ۸۲۴ نُمرو لومړی، روهېت شرما په ۷۶۵ دویم، شوبمن ګېل په ۷۶۳ درېیم او افغان بریدګر توپوهونکی رحمانالله ګُربز په ۶۹۲ نُمرو «اتم» مقام کې دی.
همداراز د ایسيسي په مخکېنۍ درجهبندۍ کې د افغان کرېکټ ملي لوبډلې پیلیز توپوهونکی ابراهیم ځدراڼ د نړۍ غورو توپوهونکو په کتار کې ۱۲م مقام ته رسېدلی و.
نور ولولئ: نور احمد لکڼوال که د الماسو غمی؟
نور ولولئ: شاداب خان: راشد خان په ۲۴ توپونو ۲۴ ویکټې اخیستلو توان لري
۲۲ کلن رحمنالله د سوېلي افریقا پر وړاندې د یو ورځنیو سیالیو لوبلړۍ په یوه لوبه کې ۱۰۵ منډې وکړې او مخکې له دې چې ۲۳ کلن شي «اوومه سلیزه» یې یې په خپل لوبیز ریکارډ کې ثبت کړه.
هېره دې نه وي چې راشدخان بیا د یو ورځنیو سیالیو په نوې درجه بندۍ کې درېیم مقام ترلاسه کړی دی.
د رحمان الله ګربز وړتیاوې
د یادونې ده چې رحماناالله ګُربز په لنډه موده کې د هېواد ملي لوبډلې لپاره غوره لاسته راوړنې ترلاسه کړي او د کرېکټ نړیوالې شورا هم ویلي چې نوموړی د ښه ځلېدو لپاره لا ډېر ځوان دی.
ګربز چې د هند په مشهور سوداګریز لیګ ای پي ایل کې هم لوبېږي او په نړۍ کې یې په چټکۍ شهرت تر لاسه کړ، د توپوهنې ځانګړی استعداد لري او د نړۍ مشهور کرکټ پوهان یې پر وړتیاوو بحثونه کوي.
نوموړي هغه توپ وهونکی دی چې د یو ورځنیو لوبو په سیالیو کې یې خپله د توپ وهنې وړتیا ښوولې او تر ټولو ډېرې منډې یې کړي دي.
د کرکټ نړیوالې شورا ویلي، چې د رکینګ په اتمه درجه کې یې ځای خپل کړی دی.
