سعودي عربستان په لومړي ځل د اروپايي فلمي فیسټیوال کوربه توب کوي

ځړول شوی:جون 15, 2022 لخوا ځړول شوی:مسعود تبصرې:0

سعودي عربستان کې د نویو بدلونونو وروسته په لومړي ځل دغه هېواد کې د اروپايي فلمي فیسټیوال کوربه توب هم کېږي، چې دا فیسټیوال سبا د جون په ۱۵مه پیلېږي او تر ۲۲مې نېټې پورې به دوام وکړي.

دغه فلمي فیسټیوال د سعودي عربستان په پلازمېنه ریاض کې ترسره

 کېږي، چې موخه او هدف یې د اروپايي سینما تبلیغ دی او همدا راز د سعودي عربستان او اروپايي هېوادونو ترمنځ د فلمونو شراکت یا یو بل ته نږدېوالی ښودل شوی دی.

په دغه فلمي فیسټیوال کې چې کوم فلمونه نندارې ته وړاندې کېږي، په هغې کې زیات داسې هم دي، چې د ښځو د پرمختګ یا ځواکمنتیا، د موسمونو په بدلون او په معیوبۍ باندې جوړ شوي دي.

نور یی ولوله | شیخ محمد بن زاید آل نهیان همېشه د زغم او انساني ورورولۍ د ارزښتونو د ودې لپاره د ګډ کار کولو په اهمیت ټینګارکړی

د دغه فلمي فیسټیوال د کوربه توب یوې مسوولې روا المادني له رسنیو سره په

 خبرو کې ویلي دي، چې په سعودي عربستان کې د دغه فلمي فیسټیوال کوربه توب موخه دا ده چې د سعودي عربستان سینما ته پرمختګ ورکړل شي.

هغه زیاتوي، همدا راز موږ غواړو چې د سعودي عربستان د ځايي سینماګرانو او د اروپايي سینماګرانو ترمنځ اړیکې پراخې کړو، تر څو په راتلونکي کې دوی وکولای شي په فلمونو باندې ګډ کار وکړي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.