متحده عربي امارات –
کرېکټ نړیوال جام کی اسټرالیا لوبډلی پاکستان ته په ماتې ورکولو سره پایلوبې ته لار پیدا کړه له د شل اوریز کرېکټ نړیوال جام سیالیو په بهیر کې د پاکستان او اسټرالیا لوبډلې تر منځ په دویمه نیمه پایلوبه کې اسټرالیا پاکستان ته په پنځو لوبغاړو ماتې ورکړه او پایلوبې ته ورسیده.
د یکشنبې پر ورځ به اسټرالیا له نیوزیلنډ سره پایلوبه کې سیالي پیل کوي. د پاکستان او اسټرالیا تر منځ د لوبې پچه اسټرالیا وګټله او لومړی یې پاکستان ته د توپوهنې بلنه ورکړه . پاکستان د ټولو شل اوورونو له لوبې وروسته ۴ لوبغاړي سوځیدو سره ۱۷۶ منډې یې وکړې او اسټرالیا ته یې د ۱۷۷منډو هدف وټاکل. د اسټرالیا وېکټ ساتونکی ماتهیو ویډ د دې لوبې غوره لوبغاړی وبلل شو، چې ۴۱ ناسوځېدلې منډې یې وکړې. ماتهیو ویډ داسې مهال کې د لوبې ډګر ته راغی چې د اسټرالیا ټولټال منډو شمېر ۹۶ و او د بریا لپاره له ۴۶
دا هم ولولئ | د کرېکټ نړیوال جام: انګلستان او استرالیا نیمه پایلوبې ته ورسېدل
توپونو باید
۸۱ منډې ترلاسه شوې وای. نوموړي له یواځی ۱۷ توپونو ۴۱ منډې کړې او د پاکستان چټک توپ اچوونکي شاهین شاه اپرېدي په یوه اوور کې یې په دریو پرلپسې شپږیزو سره د لوبې وضعیت بدل کړ د پاکستان له لوري محمد رضوان تر ټولو ډېرې ۶۷، بابر اعظم ۳۹ او فخر الزمان ۵۵ منډې وکړې. د اسټرالیا له لوري میچل سټارک دوې، اډم زامپا او پاټ کیومینز یوه یو یو لوبغاړی سوځولی. د اسټرالیا له لوري بیا ډېویډ وارنر ۴۹، میچل مارش ۲۸، مارکیوس سټواینز ۴۰ او ماتهیو ویډ ۴۱ دواړه ناسوځېدلي منډې وکړې.
د پاکستان له لوري تر اوسه شاداب خان تر تر ټولو ډېر څلور لوبغاړی سوځولی. شاهین شاه اپریدي یو لوبغاړی سوځولی. پاکستان له دې وړاندې په ۲۰۰۹ کال کې د شل اوریز کرېکټ نړیوال جام ګټلی خو اسټرالیا تر اوسه دا ویاړ نه دی ترلاسه کړی .
یاده دې وي چې نیو زیلنډ د چارشنبې پر ورځ د دې سیالیو لومړۍ نیمه پایلوبه یا سیمي فاینل کې انګلنډ ته په یوه سخته لوبه کې په ۵ وېکټو ماتې ورکړې وه . اسټرلیا او نیوزلینډ د شل اوریز پایلوبی ته ووت او را روانه سیالی به د اسټرلیا او نیوزلینډ تر منځ وی.
