طالبانو کابینې د سیمه ییزو ارګانونو ادارې نوم او فعالیت ساحه بدل کړی

ځړول شوی:جنوري 14, 2022 لخوا ځړول شوی:مسعود تبصرې:0

د طالبانو کابینې د سیمه ییزو ارګانونو ادارې نوم او کاري ساحه بدل کړي او د ښاروالیو عمومي ریاست ته یې د دې ادارې نوم بدل کړی دی.

د باختر دولتي خبري اژانس په رپوټ ویل شوي، د طالبانو کابینې له نوې پرېکړې سره به دا اداره له کابل ښاروالۍ پرته د ټولو ولایتونو او ولسوالیو د ښاروالیو چارې سمبالوي.

د سیمه ییزو ارګانونو اداره د افغانستان مخکیني حکومت له مهمو ادارو یوه وه، چې په مستقیم ډول یې د ولسمشر تر څارنې لاندې فعالیت کاوه. د والیانو، ولایتي شوراګانو، ښاروالانو د فعالیتونو څارنه د دې ادارې له مسوولیتونو بلل کېدل.

نور یی ولوله | طالبان وایې چې له دې وروسته به د کال لومړۍ میاشت د مالي کال پیل هم وي

د ولسمشر له لاسلیک وروسته د والیانو لېرې کول او ګومارل هم د دې ادارې واک بلل کېده. د یادونې ده، چې طالبان والیان د خپل مشر په امر او لاسلیک ګوماري.

د سیمه ییزو ارګانونو پخوانۍ ادارې د وېبپاڼې معلوماتو له مخې ۱۳۸۶ کال کې د افغان ولسمشر په امر دغه اداره د ۳۴ ولایتونو او ۳۷۴ رسمي او غیر رسمي ولسوالیو او ۱۵۳ ښاروالیو د چارو ادارې په موخه رامنځته شوې. د دې ادارې په تشکیل کې ۷۶۹۳ کارکوونکو دنده درلوده.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.