طالبان وايي، نړیواله ټولنه باید افغانستان کې د اوږد مهاله اقتصادي پروژو لپاره کار وکړي

ځړول شوی:جنوري 14, 2022 لخوا ځړول شوی:مسعود تبصرې:0

طالبان وايي بېړنۍ مرستې پر افغانستان د رادبره شوي بشري ناورین لپاره اغېزمنه چاره نه ده او نړیواله ټولنه باید دغه هېواد کې د اوږد مهالو اقتصادي پروژو لپاره کار وکړي.

د طالبانو د لومړي وزیر مرستیال مولوي عبدالسلام حنفي د بشري مرستو له ادارو سره د همغږۍ په ناسته کې دا هم وویل چې د طالبانو حکومت به د مرستو د وېش پر مهال د روڼوالي لپاره له دې بهیر سره مرسته وکړي.

د نړیوالو مرستندویانو او طالب چارواکو غونډې ته وینا کې د طالبانو د ریاست الوزار مرستیال عبدالسلام حنفي وویل، اوږدمهاله پروژې کولی شي، د افغانستان بیوزلۍ او مخ پر ځوړ اقتصادي حالت په کابو کولو کې مرسته وکړي.

نور یی ولوله | د طالبانو دفاع وزیر له ګاونډيو هېوادونو څخه غوښتي چې د افغانستان الوتکې ور وسپاري

نوموړي وویل: ”تجربو په ډېرو هېوادونو کې ثابته کړې چې بېړنۍ مرستې د لوږې، بې وزلۍ او بشري ناورین د مخنیوي لپاره اغېزناکه لاره نه ده. ” نوموړی وايي، باوري دی، چې د کوچنۍ او متوسطې کچې په کار او روزګار رامنځته کولو سره ”حکومت او نړیواله ټولنه د خلکو له ژوند ښه کولو سره مرسته کولای شي. ”

په دې غونډه کې د ملګرو ملتونو استازو وویل، دا کال له افغانستان سره د بشري ملاتړ کال دی او ملګري ملتونو د بې وزلۍ کابو کولو لپاره هڅې کوي، چې د ناورین مخنیوی وشي. د یادونې ده چې وړمه ورځ ملګرو ملتونو افغانستان کې د بشري ناورین د کابو کولو لپاره د پنځه میلیاردو ډالرو بیړنۍ مرستې غوښتنه وکړه.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.