له کاناډا زېلنسکي غوښتي چې تر بریا د اوکراین ترڅنګ ودرېږي
![5b9d9f32b65f647668647c39353d52fe9e83ad94](https://afghannow.net/wp-content/uploads/2023/09/5b9d9f32b65f647668647c39353d52fe9e83ad94-348x196.jpg)
د اوکراین ولسمشر د کاناډا له صدراعظم غوښتي چې د اوکراین تر بریا ددې هېواد تر څنګ ودرېږي
د اوکراین ولسمشر ولودمیر زېلنسکي له کاناډا غوښتنه کړې چې د روسیې پر وړاندې جګړه کې تر بریا د اوکراین ترڅنګ ودرېږي.
زېلنسکي دغه څرګندونې پرون جمعه د سپټمبر ۲۲مه د کاناډا پارلمان ته د وینا پر مهال کړې دي.
نور ولولئ: سوډان کې وروستي بریدونه؛ کېدای شي دغو بریدونو کې د اوکراین لاس وي
نوموړي په خپله وینا کې ویلي چې کاناډا په تېرو جګړو کې د «تاریخ روښانه لوري» ته وه او په وینا یې، دې جګړه کې یې د زرګونو کسانو د ژغورنې لپاره مرستې کړې دي.
د افغانانو په څېر اوکرانیان هم له هېواده وځي
اوکرایني وګړي د نورو افغانانو په څېر نورو هېوادونو ته له خپل هېواده پناه وړي، له همدې امله د اوکراین ولسمشر د کاناډا له صدراعظم مننه وکړه. زېلنسکي د جګړې له امله دغه هېواد کې د اوکرایني پناهغوښتونکې د مېشتېدو له امله له کاناډا مننه کړې.
د ګارډین راپور له مخې، پر اوکراین د روسيې له برید وروسته دا لومړی ځل دی چې زېلنسکي د کاناډا په بلنه دغه هېواد ته سفر کوي. د یاد سفر موخه د روسیې پر وړاندې د لوېدیځ د ملاتړ راجلبول ښودل شوي دي.
نور ولولئ: اوکراین له نړۍ وغوښتل چې د روسیې د یرغل پر وړاندې یو موټی شي
نوموړي د کاناډا لومړي وزیر ته په خطاب کې ویلي: «زه تاسو ته د اوکراینیانو له لوري تاوده سلامونه لرم. تاسو د جګړې په ډګر کې موږ سره مرسته کړې او زموږ تر بریا له موږ سره پاتې شئ.»
په نړیواله کچه د اوکراین هڅې
کله چې اوکراین له روسیې سره په جګړه کې ښکېل شو، نو له نړیوالو یې وغوښتل او لا هم هڅه کوي چې د اوکراین په ګټه نړیواله اجماع رامنځته کړي.
د کاناډا لومړي وزیر جسټن ټرډوو له زېلنسکي سره د لیدنې پر مهال ویلي، دغه کتنه له دې امله وه چې وښايي له اوکراین سره په کلکه ولاړ دي.
هغه د راتلونکو درېوو کلونو لپاره په کاناډا کې د جوړېدونکو ۵۰ ټانکونو لپاره د اضافي مرستې لپاره د ۶۵۰ میلیونه کاناډايي ډالرو د مرستې اعلان هم وکړ.
پر دې سربېره د نړۍ نور هېوادونه په خاص ډول غرب له اوکراین سره د مسکو په مقابل کې د وسلو، پیسو او نورې مرستې ورسره کوي. خو اوکراین د ناټو سازمان له غړو هېوادونو بار بار ګیله وکړه چې دوی په یاد سازمان کې د اوکراین غړیتوب ځنډوي او اوکراین د همدې په خاطر د جګړې قرباني شو.