د غوري سیمنټو فابریکې په بغلان ولایت کې خپل ورځنی تولید له ۱۵۰ ټنو څخه ۷۰۰ ټنو ته لوړ کړی، چې د کورني تولید د پراختیا او د هېواد د صنعتي سکټور د پیاوړتیا په برخه کې یو مهم پرمختګ بلل کېږي.
د غوري سیمنټو فابریکې کیفیت هم ښه شوی
د ملي پراختیا شرکت ویاند نبيالله ارغندیوال ویلي، د تولید له زیاتوالي سره د د غوري سیمنټو فابریکې د تولیداتو کیفیت هم لوړ شوی او اوس یې تولیدات د لوړ کیفیت لرونکو وارداتي سیمنټو سره د سیالۍ وړ دي.
سلګونه کسانو ته د کار زمینه برابره شوې
د شرکت د معلوماتو له مخې، اوس مهال په د غوري سیمنټو فابریکه کې شاوخوا ۷۵۰ کسان په مستقیم ډول پر دندو بوخت دي او تولید شوي سیمنټ یې د هېواد په لویو رغنیزو پروژو کې کارول کېږي.
د درېیمې فابریکې چارې هم روانې دي
د فابریکې انجنیر محمد رامین سلطانپور ویلي، په هېواد کې د تولیدي فابریکو پراختیا د اقتصادي ودې، د کاري فرصتونو د زیاتوالي او د ځانبسیاینې لپاره مهمه ده.
د هغه په وینا، دا مهال د د غوري سیمنټو فابریکې دوه تولیدي واحدونه فعال دي او د درېیمې فابریکې د جوړولو چارې هم په چټکۍ روانې دي. د درېیمې فابریکې له بشپړېدو وروسته به د فابریکې ورځنی تولیدي ظرفیت ۵ زره ټنو ته لوړ شي، چې د افغانستان د کورني سیمنټو تولید به د پام وړ زیات کړي.
