ایس ایل سیالی

د ټیمونو مالکانو د بورډ نه غوښتنه کړې چې پي ایس ایل اماراتو کې ترسره کړي.د پاکستان سوپر ليګ یا پي ایس ایل د ۶ لوبډلو مالکانو د پاکستان کرکټ بورډ نه غوښتنه کړې ده چې د پي ایس ایل پاتې لوبې دې په دوبی کې ترسره کړي.

د (PSL) د مارچ په میاشت کې د ۱۴ لوبو له ترسره کولو وروسته د کورونا پېښو له وجې وځنډول شو، په دغه لیګ کې ۶ لوبغاړي په کورونا اخته شوي و. وروسته د پاکستان کرکټ بورډ اعلان وکړ، چې د پي ایس ایل پاتې لوبې به د جون په لومړۍ نېټه پیل کړي او ټول میچونه به د کراچۍ په ملي ګراونډ کې ترسره کړي.خو پاکستان کې یو ځل بیا د کورونا پېښې زیاتې شوې دي.

او د پېښور زلمي ټیم مالک جاوېد افريدي او د کراچۍ کنګز ټیم مالک سلمان اقبال وايي چې دوی له پاکستان کرکټ بورډ نه غوښتنه کړې چې پاتې میچونه په اماراتو کې ترسره کړي.ښاغلي جاوېد اقبال وايي، چې ما د شپږم پړاو سیالیو له پیل مخکې کرکټ بورډ ته ويلي و، چې ټول لیګ دې په اماراتو کې ترسره کړي،

خو دوی هغه وخت زما خبره ونه منله، خو اوس مو ورته بیا ویلي دي، چې پاتې سیالۍ دې په اماراتو کې وکړي.جاوېد اقبال زیاتوي، چې د ټولو لوبډلو مالکانو په خپل منځ کې غونډه کړې او به دې اړه يې کرکټ بورډ ته په لیکلي ډول هم ویلي دي، همدا راز نن مو له کرکټ بورډ سره بیا ناسته ده او په هغې کې به وروستۍ پرېکړه وشي، چې پاتې سیالۍ به چېرته ترسره شي.

2175622 pslnewx 1620387924

هېره دې نه وي چې د پاکستان سوپر لیګ یا پي ایس ایل د پاتې سیالیو لپاره څو ورځې وړاندې د ځینو لوبغاړو په نه شتون کې نور لوبغاړي واخیستل شو، په دې لړ کې د افغانستان رحمان الله ګربز او نجیب الله ځدراڼ هم بېلا بېلو ټیمونو واخیستل.

دانش مشوره

نسیم دانش:د کرکټ بورډ نوی اجرایه مشر باید دا کارونه وکړي دافغانستان کرکټ بورډ نوي اجراییوي رییس حامد شینواري پرون په رسمي ډول خپله دنده پیل کړه.هغه د پخواني اجراییوي رییس له خوا ادارې ته وروپېژندل شو.

اوسمهال د کرکټ بورډ ادارې اوس په داسې وضعیت کې ده، چې ښايي نوموړی پکې له سختو چېلنجونو سره مخ شي، ځکه چې عمومي رییس فرهان یوسفزی له هېواده بهر وي او هغه اداره درې کسانو ته سپارلې، چې له کرکټ سره نابلده دي او هر څه يې په لاس کې اخیستي چې ټوله اداره ترې شړېدلې ده.اوس د حامد شینواري د دندې په لومړۍ ورځ د کرکټ بورډ پخواني عمومي رییس نسیم الله دانش نوموړې ته د ۴ کارونو کولو په اړه ويلي دي.

ښاغلي نسیم دانش په خپل فېسبوک کې حامد شینواري ته د دندې مبارکي ورکړې او بیا یې ورته د څلورو مهم کارونو یادونه کړې ده.د ملي لوبډلې اتفاق جوړول او له ډلو ایستل؛ د یو بشپړ غړیتوب لرونکي هېواد په څېر د نالي ملاتړي پېدا کول؛ د کابل نوی مېدان سره د ټولو اسانتیاو پیل او جوړول؛ او د داخلي کرکټ جوړول سرخ د اې پي ایل او شپږیزې.

نسیم دانش دا هم لیکلي دي، که چېرته حامد شینواري دا څلور کارونه په لومړیو ۱۰۰ ورځو کې وکړل، نو بیا ورته د زړه د اخلاصه د همکارۍ لاس ورکوم.هغه وای چې اوسمهال کرکټ بورډ نور هم چلنجنګ شوی دی.نو ښاغلی حامد شینواری باید ډېر دقت نه کار واخلي.

img 20210427 110333

نسیم دانش په دې پوسټ د کرکټ ډېری مینه والو په هغه سختې نیوکې هم کړې دي او ورته يې لیکلي دي چې هغه په خپله په خپل وخت کې د کرکټ بورډ ناکامه مشر پاتې شوی و.دوی ورته لیکلي چې باید اول خپل ځان اصلاح کړي او بیا نورو ته مشورې ورکړي.

حامد شینواری د کرکټ بورډ اجرایه مشر وټاکل شو

حامد شینواری د کرکټ بورډ نوی اجرایه ریس وټاکل شو.د افغانستان کرکټ بورډ د اجراییوي ریاست لپاره ډاکټر حامد شینواری ټاکل شوی دی،کرکټ بورډ يې په دې اړه رسمي اعلان هم وکړ.نوموړی دغې بست ته ازادو سیالیو له لارې انتخاب شوی دی.

زموږ د معلوماتو له مخې، د کرکټ بورډ اجراییوي رییس رحمت الله قریشي چې څو میاشتې وړاندې يې له خپلې دندې استعفا ورکړې، تراوسه پورې له کرکټ بورډ څخه په رسمي ډول نه وو رخصت شوی.خو نن چې ښاغلی حامد شینواری دغه بست ته رسما معریفي شو رحمت الله قریشي هم رسما له دغه پوست نه رخصت شو او د نوی اجرایه ریس په معرفت غونډه کې شرکت هم وکړ.

ښاغلی قریشي د خپلې دندې د پیلولو څخه څو میاشتې وروسته استعفا ورکړه او د ځینو سرچینو په وېنا، نوموړی په کرکټ بورډ کې یوازې سمبولیک اجراییوي رییس و او هېڅ واک نه و ورکړل شوی.اوس تازه ورزشي خبریال او د افغانستان کرکټ د میډیا څانګې پخواني مدیر ابراهیم مومند د نوي اجراییوي رییس په اړه معلومات لیکلي دي.

هغه په یو ټویټ کې لیکلي:دوکتور حامد شينوارى د کرکټ بورډ نوى اجرائيوي مشرټاکل شوى. کرکټ بورډ به يې نن رسمي اعلان وکړ. په ځاى ګمارنه خو صلاحيت سره د یادولو وړ ده چې حامد شینواری کلونه مخکې هم د افغانستان کرکټ بورډ اجراییوي رییس په توګه پاتې شوی دی.

fb img 1619451083875

او څو کاله مخکې، کله چې عاطف مشعل د کرکټ بورډ عمومي رییس وټاکل شو، نو حامد شینواري ادعا وکړه، چې عاطف مشعل د هغه طرحه پټه کړې او کرکټ بورډ ته يې پرې ځان رسولی دی.نوموړي د افغانستان کرکټ بورډ لپاره خورا زیاتې هڅې کړي او هر وخت ېې افغانستان لپاره ویاړونه راوړي دي.

ولې جریمه شو

روهت شرما ولې جریمه شو؟ اى پي ايل کې د ممبۍ انډينز ټیم لوبډلمشر روهيت شرما ١٢ لکه يا ١.٢ ميليونه هندي روپۍ جريمه شوى دى، چې پرون يې په لوبه کې په ټاکلي وخت کې اورونه نه دي کړي او د قانون خلاف ېې کړی.

چيناى کې د ممبۍ انډينز او ډيلي کاپيټلز ترمنځ پرون لوبه ترسره شوه، چې ډيلي کاپيټلز پکې د ٦ ويکټو په توپير بريا خپله کړه. خو په ياده لوبه کې ممبۍ انډينز په ټاکلي وخت کې اورونه ترسره نه کړاى شو.د (IPL) له خوا په يوه خبرپاڼه کې ويل شوي دي، چې د slow over-rate له وجې د ممبۍ انډينز کپتان ويراټ کوهلي ١٢ لکه هندي روپۍ جريمه شوى دى. خو که بيا ځلې ورته کار وشي، نو جريمه ډېرېدى هم شي.

دا په روان ليګ کې د ممبۍ انډينز اوله لوبه ده چې د اورونو په ټاکلي وخت کې نه ترسره کېدو له امله جريمه کېږي. د دويم ځل لپاره که داسې کار وکړي، نو جريمه به يې يو په دوه شي.د دويم ځل لپاره به لوبډلمشر ٢٤ لکه يا ٢.٤ ميليونه او هر لوبغاړى ٢٥ سلنه، يعنې ٦٠٠ زره روپۍ جريمه کېږي

همداراز که د دريم ځل لپاره دا کار وشو، نو د يوې لوبې له بندېز سره هم مخ کېداى شي.په دريم ځل کې به لوبډلمشر د يوې لوبې له بندېز سره مخ کېږي، ١٢ لکه روپۍ به جريمه کېږي او هر لوبغاړي څخه به د لوبې پنځوس سلنه پېسې هم ګرځول کېږي.

picsart 04 21 10.06.14 scaled 1

باید یاده کړو چې روهت شرما د هند په تکړه او با استعداده لوبغاړي کې شمېرل کیږي او هر وخت چې کله ددهند لپاره لوبېدلی نو ښه پرفامنس ېې شو کړی دی.ښاغلی شرما د ښه کرکټر ترڅنګ يو ښه انسان هم دی نوموړی هر وخت هڅه کوي چې د خلکو زړونه ازار نه کړي او ښه اخلاق ورسره وکاروي.

د راشد خان د ماشومتوب انځور

د راشد خان وړوکوالی عکس په رسنیو کې وایرل شوی.د افغانستان کرکټ ملي لوبډلې مخکښ ورو توپ اچونکي راشد خان د کوچنيوالي يو ډېر نادره عکس په ټولنيزو رسنيو کې لاس په لاس کېږي.او خلک ېې د څو ورځو راهیسې مزید شریکوي.

ښاغلی راشد خان چې د اى سي سي له خوا د نړيوالو شل اوريزو لوبو د لسيزې غوره لوبغاړى څه وخت وړاندې اعلان شوى دى، د افغانستان يو هغه کرکټر دى چې په ټوله نړۍ کې ډېر مينه وال لري.د نوموړي د کوچنيوالي دا عکس د هغه کشر ورور عادل جليل لومړى په ټولنيزو رسنيو کې خپور کړى و، چې له هغه وروسته ډېرو خلکو خپور کړى دى.او اوسمهال نور هم زیات نشر کیږي او خلک ورباندې مختلف کمنټونه کوي.

راشد خان کوچنيتوب

یاد عکس کې راشد خان ډېر کوچنى دى، چې ورسره يې ورور عامر خان او همدا راز يو بل خپل يې د بخت الله خان په نوم هم ورسره ليدل کېږي.د دې عکس په هکله پوره معلومات نشته، چې دا په کوم کال کې اخيستل شوى دى، خو داسې ښکاري چې راشد خان به شاوخوا د پنځه کلونو په عمر کې وي.

د يادولو وړ ده چې راشد خان اوسمهال په هند کې د اى پي ايل ليګ کې د سنرايزرز حېدراباد لوبډلې لپاره لوبېږي. نوموړى د حېدراباد يو له مهمو لوبغاړو څخه دى.نوموړی په ای پي ایل کې ډېر مشهور دی او هندی تماشیان ېې ډېر خوښوي.

باید یاده کړو چې ښاغلی راشد خان ډېر با استعداده او تکړه ځوان دی.نوموړی هر وخت هڅه کړې چې د افغانستان د کرکټ لپاره ښه لوبه وکړي او ښه پر فامنس شو کړي.ښاغلی خان د ښه کرکټر ترڅنګ يو ښه انسان هم دی نوموړی هر چا سره ښه اخلاق کوي او هڅه کوي چې څوک ورنه خفه نشي.

ته مښه کړی ده

دهوني اداکاری ته هم مښه کړه.د هند کرکټ ملي ټیم پخوانى لوبډلمشر یا کپتان او چټک توپوهونکى مهيندر سينګ دهوني اوس اداکاري هم پيلوي او نوموړى به په (کپتان ٧) کې کار وکړي.نوموړی تکړه او با استعداه کرکټر وو.

د هندي ميډیا د راپورونو له مخې پخوانى لوبډلمشر یا کپتان به د (کپتان ٧) په نوم د جاسوسي لړۍ په يو وېب سريال کې اداکاري وکړي، چې دا به يې لومړى ځل وي چې نوموړى به اداکاري کوي.نوموړي د دې نه وړاندې هیڅ کله په دې سکتور کې کار ندی کړي او نوموړي ټول وخت کرکټ ته ورکړی وو خو هغه به اکثره فلمونه هم کتل.

باید وویل شي چې په راپورونو کې دا نه دي ويل شوي چې (کپتان ٧) د مهيندر سينګ دهوني په ژوند جوړېږي او که په کرکټ، خو داسې ښکاري چې دا به کوم د جاسوسۍ لړۍ وي.دا وېب سريال د مهيندر سينګ دهوني په خپل پروډکشن (دهوني پروډکشن) کې جوړېږي، چې دوى يې په رسمي ډول خبر هم خپور کړى دى.

په راپور کې ويل شوي دي، چې د دې لړۍ لومړۍ برخه به په ٢٠٢٢ کال کې خپره شي. اوسمهال د دې وېب سريال لپاره د داکارانو په اخيستو کار روان دى.خو نوموړی وای چې په دې برخه کې به ښه ځان ورسوي او هڅه به وکړي چې خپلو مینه والو ت ښه فلم جوړ کړي.

دهوني 1

هېره دې نه وي چې مهيندر سينګ دهوني تېر کال له نړيوال کرکټ څخه استعفا ورکړه، خو نوموړى اوس هم په اى پي ايل کې لوبېږي او د چيناى سوپر کنګز لوبډلې لوبډلمشر دى.نوموړی وای چې څومره ېې وس کیږي کرکټ سره به هم ځان مصروف وساتي.

افغان رکارډونه

د اصغر د کپتانۍ ريکارډ ولمانځل شو افغانستان کرکټ ملي لولوبډلمشر اصغر افغان په نړيوالو شل اوريزو لوبو کې د کپتان په توګه د ٤٢ لوبو د ګټلو ريکارډ لمانځل شوى دى.نوموړی دا رکارډ د ډېرو خلکو په حضور کې ولمانځل شو.

په سوشل میډیا کې د دغه غونډې عکسونه خپاره شوي دي، چې ويل کېږي د کابل په شهرنو کې اصغر افغان، د کرکټ بورډ ځينې کسان او د هغه ځينې ملګري راغونډ شوي و، چې د کېک په پرې کولو سره يې دا ريکارډ لمانځلى دى.عکسونو کې ليدل کېږي چې مختلف خلک پکې موجود دي او دا رکارډ پکې لمانځل کیږي.

په دې اړه ویل کیږي له اصغر افغان پرته پخوانى کرکټر او د کرکټ بورډ ډايريکټر رييس احمدزى، پخوانى کرکټر او پخوانى روزونکى هستي ګل عابد، د ملي لوبډلې پخوانى منېجر شېر اغا همکار، د ملي لوبډلې اوسنى منېجر نظيم جار عبدالرحيمزى او نور ښکاري.

1

هېره دې نه وي چې د زمبابوې لوبډلې ته په دريمه نړيواله شل اوريزه لوبه کې د ماتې ورکولو سره اصغر افغان د کپتان په توګه په دې بريالى شو چې په ٤٢ نړيوالو شل اوريزو لوبو کې بريا خپله کړي.نوموړي د دې نه وړاندې هم ډېر رکارډونه جوړ کړي دي.

تر هغه وړاندې د هند پخوانى کپتان مهيندر سينګ دهوني دا وياړ لرلو، چې په خپله کپتانۍ کې يې ٤١ لوبو کې بريا خپله کړې وه، چې اصغر افغان دغه ريکارډ مات کړ او ٤٢ لوبو کې يې بريا خپله کړه.نوموړي چې هر وخت میدان ته راغلی نو دافغانستان لپاره ېې ویاړونه راوړي دي.

او نبي

راشد,مجیب او نبي هند ته لاړل.د افغانستان کرکټ ملي ټیم درې مشهور لوبغاړي راشد خان، محمد نبي او مجيب الرحمان هند ته تللي دي چې هلته په راتلونکي (IPL) سياليو کې برخه واخلي.دوی ویلی چې دا ځل به دغه لوبو کې ښه پرفامنس ښایي.

محمد نبي.راشد او مجيب الرحمان دا وار درې واړه په سنرايزرز حېدراباد ټیمونو کې لوبېږي، چې يادې لوبډلې د درې واړو يو ګډ عکس په ټولنيزو رسنيو کې خپور کړى دى.ياد لوبغاړي چې په متحده عربي اماراتو کې و، له هغه ځايه نېغ د هند چيناى ښار ته تللي دي او هلته به د خپلې لوبډلې سنرايزرز حېدراباد سره يو ځاى شي.دوی ویلی دي چې زیات تمرکز ېې اوسمهال په (IPL) دی.

د هند تجارتي ليګ (IPL) سياليو راتلونکي پړاو ته يوازې ١٢ ورځې پاتې دي، چې د تېر په څېر دا ځل هم پکې درې افغان لوبغاړي لوبېږي، خو دا ځل درې واړه په يوه لوبډله کې دي.مجيب الرحمان په تېرو کلونو کې له کنګز اليون پنجاب (اوس پنجاب کنګز) لوبډلې سره لوبېده، خو سږکال دغه لوبډلې وانخيست او بيا سنرايزرز حېدراباد لوبډلې خپل کړ.

هېره دې نه وي چې راشد خان، محمد نبي او مجيب الرحمان د کمال خان بند د پرانيستې په وياړ په يوازينۍ شل اوريزه لوبه کې ګډون ونکړ، چې له دې امله پرې په ټولنيزو رسنيو کې يو شمېر خلکو نيوکې هم وکړې.خو دوی ویل چې کوشش مو همدا دی چې خپل هېوادوالو ته د خوشالی سبب وګرزو خو بد بختانه ومو نشو کولی چې دغه لوبه کې برخه واخلو.

محمد نبي او راشد خان
محمد نبي راشد خان او مجیب

دریواړه لوبغاړي چې د خلکو یعنی عامو افعانانو زړونو کې ځای لري د ښه لوبغاړو تر څنګ ښه اخلاق هم لري همېشه ېې هڅه کړې چې هېوادوالو سره خوش اخلاقي وکړي او خپل مینه وال خفه نکړي که څه هم دوی نړیوالو جامونو کې اخیستل کیږي خو همېشه ېې هڅه کړې چې خپل ملي ټیم ته ترجیح ورکړي.

کندوز ولایت کې د کرکټ سیالی تر سره کیږي

کندوز: د ولسوالیو ترمنځ د سولې کرکټ سيالۍ پيل شوې.کندوز ولايت کې د مرکز کندوز په ګډون د ٨ ولسواليو ترمنځ د کرکټ ټورنمنټ پيل شوې چې د سولې سرليک ورکړل شوى دى او هدف يې په کندوز ولايت کې د کرکټ ته وده ورکول دي.

د ملي ټیم لوبغاړى ميروېس اشرف چې په خپله هم د کندوز ولايت اوسېدونکى دى، په خپلو خبرو کې وايي، چې د سولې تر سرليک لاندې دا ټورنمنټ ترسره کېدل يو نېک ګام دى، د سولې لپاره دغسې کوششونه ګټورې دي او د دې سياليو څخه به د ولايتي ټیم لپاره ښه ټيم هم جوړ شي.د دې نه ږړاندې کندوز کې دا ډول سیالی نه وې تر سره شوې او دا اول ځل دی چې تر سره کیږي.

د نويد مومند په نوم يو پلیر چې د کندوز مرکز په ټيم کې لوبېږي، هم د دې سياليو په اړه غږېدلى دى او وايي چې د دې سياليو هدف ځوانانو ته د کرکټ روزنه ورکول دي او د ناوړه کارونو څخه يې مخنيوى دى، چې دلته به ډېر ښه استعدادونه هم پېدا شي.او کندوز به راروانو لپاره تیاری هم وشي.

هېره دې نه وي چې کندوز ولايت يو له هغه ولايتونو څخه دى، چې ډېرو نا امنيو ځپلى دى او په دې نږدې کلونو کې دوه ځل له سقوط سره هم مخ شوى دى.نو د کرکټ پوهانو او شنونکو پر وینا دا ډول ټورنمنټونه په نا امنه ولایاتو کې تر سره کېدل به دغه ولایاتو ته ډېره ګټه وکړي.

او نور 1

باید یاده کړو چې ميروېس اشرف چې په خپله د کندوز ولايت اوسېدونکى دى، د ملي لوبډلې يو له ښو لوبغاړو څخه و او په کورنيو سياليو کې هم نوموړى ډېر ځلېدلى دى.میرویس اشرف رسنیو سره خبرو کې ویلي وو چې کندوز ښه استعدادونه لري باید ملي کرکټ بورډ ورته ځانګړې پاملرنه وکړي.

لپاره تر ټولو خوشالی ورځ

شاپور ځدراڼ: زما لپاره نن د خوشالی ورځ ده د افغانستان کرکټ ملي ټیم چټک توپ اچونکي ښاغلی شاپور ځدراڼ د حافظانو د فارغېدو په غونډه دستار بندي کې ګډون کړی او دا يې د ځان لپاره د زړه د سکون ورځ بللې ده.

ښاغلی شاپور ځدراڼ چې له څه مودې راهيسې له ملي لوبډلې څخه ليرې دى، کله نا کله په سوشل میډیا کې پوسټونه کوي، چې تازه يې د دستاربندي عکسونه نشر کړي دي، چې د يو شمېر تازه حافظان شويو هلکانو سره ليدل کېږي.نوموړی د دې نه وړاندې دا ډول د خیر او اسلامي کارونو کې برخه اخلي او هر وخت هڅه کوي د اسلام دین ته ېې خیر ورسیږي.

.jpg

هغه له دې عکسونو سره په خپله رسمي فېسبوکپاڼه کې ليکلي ديدستاربندي زما لپاره نن د خوشحالي او د زړه د سکون ورځ وه چې په يو داسې پرتمينه غونډه کې مې برخه واخيسته، چېرته چې د الله نورو وريده او ګلالي ماشومان د قرآن عظيم الشان حافظان شول.نوموړی په دی عکسونو کې د ماشومانو په سر لاس راښکلی او ښکل کړې ېې هم دي.

ښاغلی شاپور ځدراڼ چې په ٢٠٢٠ کال کې يې د ايرلېنډ پر وړاندې لوبه هم ترسره کړې وه، د کرکټ بورډ له عمومي رييس سره تر اختلافاتو وروسته د هغه قرارداد کرکټ بورډ لغوه کړى دى.خو نوموړس اوس هم د خلکو په زړونو کې ځای لري. او هر وخت چې په لارو کوڅو کې پیدل تګ کوي خلک ورسره دمینې اظهار کوي.

د یادولو وړ ده چې شاپور ځدراڼ غوښتل چې ميليون جام ليګ په خوست کې په ستره کچه ترسره کړي، خو کرکټ بورډ يې مخه ونيوله، چې نوموړي يې په اړه ډېر پوسټونه هم کړي و، خو ياد ليګ بيا هم ترسره نه شو.دا هم باید یاده کړو چې نوموړی د یو ښه لوبغاړي تر څنګ ښه انسان هم دی