اړوند خبرونه:
متحده عربي اماراتو په ۲۲۳ سیالو شاخصونو کې په نړیواله کچه لومړی مقام خپل کړ
د متحده عربي اماراتو بهرنۍ مرستې له ۱۹۷۱ راهیسې ۳۶۰ ملیارد درهمو ته ورسېده
د بهرنیو چارو وزارت سرپرست، مولوي امیرخان متقي د سره صلیب او سرې میاشتې د نړیوالو فدراسیونونو له یو چارواکي، الکساندر متیو سره په کتنه کې د هیواد لرې پرتو سیمو ته د اړینو خدماتو پر وړاندې کولو ټینګار کړی دی.
د بهرنیو چارو وزارت پرون (شنبې د جدې ۲۹مه) په یوه اعلامیه کې ویلي چې په دې کتنه کې د بشري مرستو او روغتیايي خدماتو په اړه خبرې کړې دي.
مولوي متقي په دې کتنه کې غوښتي چې د هېواد لرې پرتو سیمو مرکزونو ته دې اړین خدمات وړاندې شي.
په اعلامیه کې د سره صلیب او سرې میاشتې د نړیوال فدراسیون له قوله ویل شوي چې دې سازمان په افغانستان کې له اړمنو خلکو سره د دوامداره ملاتړ ډاډ ورکړی دی.
د بهرنیو چارو سرپرست وزیر د زړه د ناروغیو لرونکو ناروغانو په درملنه کې د یاد فدراسیون د همکارۍ غوښتنه کړې ده.
د ویلو ده چې په لرې پرتو سیمو کې روغتیايي خدماتو ته د خلکو کملاسرسی د هېوادوالو جدي اندیښنه ګرځیدلې ده.
تر دې مخکې د سرپرست حکومت د عامې روغتیا وزارت ویلي وو چې د افغانستان په کلیوالي سیمو کې ۷۲ سلنه خلک اساسي روغتیايي خدماتو ته لاسرسی نه لري.
