ملګري ملتونه عمومي شورا کې د افغانستان څوکۍ په تړاو پرېکړه کوي

ځړول شوی:دسمبر 2, 2021 لخوا ځړول شوی:مسعود تبصرې:0

  افغانستان   افغانستان

د ملګرو ملتونو یوه ځانګړې کومېټه نن چارشنبه پر دې ټاکنه  او پرېکړه کوي چې په عمومي شورا  کې دې د افغانستان څوکۍ د پخواني حکومت له استازي سره خپل ځای  پاتې شي او که طالبانو ته دې ورکړی. په یادی ځانګړې کومېټه کې د امریکا، روسیې، چین،‌ سویډڼ، بهاماس، بوټان، چیلي، نمیبا او سیري لیون هېوادونو استازی هم شامل دی.

دا مهال د افغانستان پرځول شوي حکومت استازی غلام اسحاقزی ملګرو ملتونو کې د افغانستان پر څوکۍ ناست دی. خو وسلوالو طالبانو تېره اګست میاشت کې واکمنۍ  ته له رسېدو  څخه وروسته د خپل سیاسي‌ دفتر پخوانی ویاند سهیل شاهین ملګرو ملتونو کې د خپل استازي په ډول  نومولی. ملګرو ملتونو کې یو شمېر دیپلومانانو د نوم نه ښودلو په شرط رویټرز خبري اژانس ته ویلي چی  ډېر امکان  شته چې د افغانستان د پرځول شوي حکومت استازی د اوس  مهال لپاره د افغانستان استازي په ډول  پاتې شي.

دا هم ولولئ | طالب چارواکي په کابل کې د متحده عربي اماراتو د سفارت د بیا پرانیستلو خبر ورکړی.

خو که چېرته دا څوکۍ د طالبانو استازي ته ورکړل شي نو دا به د نړیوالې ټولنې له اړخ  د طالبانو په رسمیت پېژندلو پر لور لومړی او مهم  کار وی . یادونی وړ ده  چې د روسیې او چین په شتون  یو شمېر هېوادونه لا هم کابل کې فعال سفارتونه لري  خو تر اوس مهال د نړۍ هېڅ  یو هېواد افغانستان کې د طالبانو حکومت په رسمیت نه دی پېژندلی. د ملګرو ملتونو سرمنشي انټونیو ګوتیریش ویلي  د رسمیت پېژندلو موضوع د نړیوالې ټولنې لپاره یواځینۍ آله ده چې پر طالبانو د زور  لپاره یې ورڅخه کار واخیستل شی.

نوموړی  زیاتوی  یواځی  له همدې  لوری  طالبان دې ته هڅول کېدای شي چې ټولشموله  حکومت جوړ کړي او د بشري حقوقو   او په ځانګړې د ښځو د حقونو درناوی وکړي. ښاغلي ګوتیریش څه موده مخکی  ویلي وو  طالبان د ملګرو ملتونو همکاریو  ته اړ دی  خو باید په بدل کې یې ځینې شرایط  ومني.

خو د افغانستان څوکۍ ته د طالبانو نومول شوي استازي سهیل شاهین چارشنبه پر خپله ټوېټر پاڼه لیکلي د افغانستان وګړی حق لري چې یو ازاد هېواد ولري او د دې لپاره یې لسیزې مبارزه کړې  پکار نه ده چې افغانانو باندې بندیزونه ولګول شي او په ملګرو ملتونو کې له خپلې څوکۍ څخه  محروم پاتې شي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.