نبیل: دغه کال د پاکستان د زوال کال دی
![b43049fc 656a 4b24 8c58 27c7823507dc cx0 cy7 cw0 w1200 r1](https://afghannow.net/wp-content/uploads/2024/01/B43049FC-656A-4B24-8C58-27C7823507DC_cx0_cy7_cw0_w1200_r1-780x470.jpg)
دغه پخوانی لوړپوړی افغان امنیتي چارواکی وايي چې د پاکستان زوال به د هغه ترهګرو ډلو له امله وي چې په خپله یې روزلي
د افغانستان د ملي امنیت پخوانی مشر رحمت الله نبیل د پاکستان د بلوچستان ایالت په پنجګور سیمه کې د ایران له لوري وروستیو بریدونو ته په اشارې ویلي، چې «۲۰۲۴ به د پاکستان لپاره ډېر ګواښوونکی کال وي.»
ایراني رسنیو پرون سې شنبې (د مرغومي ۲۶مه) ناوخته راپور ورکړی چې د ایران بې پیلوټه الوتکو او توغندیو د پاکستان په بلوچستان کې د (جیش العدل) مرکزونه په نښه کړي.
![pak attack1](https://afghannow.net/wp-content/uploads/2024/01/Pak-Attack1-1-300x170.jpg)
رحمت الله نبیل په خپله ایکس پاڼه لیکلي چې پاکستان دا مهال «هم په کور دننه په جګړه کې ښکېل دی او هم یې له ګاونډیانو سره اړیکې خړې پړې دي.»
کشمیر کې د امنیت خرابوالي اندېښنه
نبیل د ایران د بریدونو تر څنګ د هند تر ولکې لاندې کشمیر پونچھ سیمې ته په اشارې ویلي چې هلته هم امنیتي حالت د اندېښنې وړ دی، «په پونچھ او هلته ځینو نورو سیمو کې ترهګریز حرکتونه زیات شوي او په نږدې راتلونکي کې د هند دننه د یو لړ ترهګریزو بریدونو احتمال شته، که چیری دا بریدونه تر سره شي نو د هند غبرګون به ډیر توند وي.»
نور ولولئ: زلمۍ خلیلزادنبیل څخه ولسمشرغني ته شکایت کړی
نور ولولئ: رحمت الله نبیل:طالبان د سولې خپلمنځي خبرې ځنډوي
نور ولولئ: رحمت الله نبیل: طالبان د نړیوالو د غوښتنو له پوره کولو عاجز دي
تسنیم خبري اژانس چې د ایران د اسلامي انقلابي ګارډ قول اردو اړوند اژانس دی، د سې شنبې په ورځ د پاکستان پر خاوره د ایران د بې پیلوټه الوتکو او توغندیو د برید خبر ورکړی او لیکلي یې دي چې په دغه برید کې د جیش الظلم (جیش العدل) دوه مرکزونه ویجاړ شوي دي.
![iran attack](https://afghannow.net/wp-content/uploads/2024/01/Iran-attack-1-300x170.jpg)
یاد برید ته د پاکستان د بهرنیو چارو وزارت غبرګون
د پاکستان بهرنیو چارو وزارت نن چهارشنبه (د مرغومي ۲۷مه) په یوه خبرپاڼه کې لیکلي چې په دغو بریدونو کې چې د دې هيواد د بلوچستان صوبې په پنجګور سیمه شوي دوه ماشومان وژل شوي او درې ماشومانې ټبیان دي.
په خبرپاڼه کې وړاندې لیکل شوي چې د پاکستان پر حاکمیت شوی برید په هیڅ ډول د منلو وړ نه دی او ایران یې باید ځواب ته په تمه شي.
![gd wmlcxkaauwht](https://afghannow.net/wp-content/uploads/2024/01/GD_WmlCXkAAUwHT-212x300.jpg)
رحمت الله نبیل پخوا هم دا ډول څرګندونې کړې او پاکستان یې د ترهګریزو بانډونو پر روزنه او افغانستان ته د خپلو اهدافو د تر لاسه کولو په خاطر پر استولو تورن کړی دی.
خو دا ځل یې ویلې چې پاکستان به د هغې بلا خوراک وي چې په خپله یې روزلي او ګټه یې ترې پورته کوله.