هره ورځ په نهاره یوازې دوه خرما وخورئ ډیرې ګټې لري

ځړول شوی:جنوري 3, 2022 لخوا ځړول شوی:مسعود تبصرې:0

خرما یوه بشپړه غذا او د بشپړې انرژۍ ترلاسه کولو ښه منبع ده. د خرما په ترکیب کې ټول غذایي توکي د روغتیا لپاره غوره وي او که چېرته دوه دانې خرما په نهاره استعمال شي نو خورا حیرانوونکې ګټې لري.

که د ورځې په پیل سره دوه خرما وخوړل شي نو بدن ته انرژي کوي. خرما له غوړ او کلیسټرول څخه پاکه وي، چې په همدې سبب د وینې غوړ برابر ساتي او د زړه د ناروغۍ مخنیوی کوي.

نور یی ولوله | متحده عربي اماراتو په هلمند کې د پرتکا کانال پروژه پیل کړې

خرما د فایبر یوه ښه منبع هم ده چې هضم ښه کوي او یوازې دوه خرما د قبضیت ستونزه حل کوي. دغه راز لکه څنګه چې خرما سودیم نلري او پوتاشیم یې زیات دي نو د وینې د لوړ فشار ناروغانو ته هم ګټور تمامېږي.

که چېرته تاسې د موبایل، کمپیوټر، سکرین او مطالعې په سبب د سترګو کمزوري لري، نو خرما د ويټامین ای په لرلو سره د سترګو دید ښه کوي او هره ورځ استعمال یې د سترګو دید تېزوي.

د خرما په ترکیب کې مهم ویټامین او منرالونه وي چې د انټي اکسیدنټ په ډول کار کوي او بدن له آزادو راډیکلونو څخه خوندي ساتي او اوسپنه یې د وینې هیموګلوبین زیاتوي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.