د افغانستان په ختیځو ولایتونو کې د پر دریو ولایتونو د پاکستان بمبار په اړه راپورونه خپاره شوي دي. سرچینې وایي، پاکستاني جیټ الوتکو د خوست، کونړ او پکتیکا په ځینو سیمو کې بمبار کړی چې له امله یې ملکي وګړو ته مرګژوبله اوښتې ده.
د طلوعنیوز د راپور له مخې، د خوست ولایت د سپېرې ولسوالۍ د مڼې کلي په یوه برید کې د یوې ښځې او یوه ماشوم په ګډون پنځه کسان وژل شوي او یو شمېر نور ټپیان دي.
سرچینې زیاتوي چې برید د چهارشنبې په شپه شاوخوا اته بجې د «ببري» په نوم د یوه ولسي وګړي پر کور شوی دی. د برید له امله دوه استوګنیز کورونه هم نړېدلي دي. د ټپیانو او قربانیانو دقیق شمېر لا تر اوسه نه دی روښانه شوی.
پر دریو ولایتونو د پاکستان بمبار؛ د اسلامي امارت غبرګون
د طالبانو ویاند ذبیحالله مجاهد ویلي چې پاکستاني پوځ یو ځل بیا د افغانستان هوايي حریم نقض کړی او د خوست، کونړ او پکتیکا په ولایتونو کې یې ملکي سیمې په پر دریو ولایتونو د پاکستان بمبارنښه کړې دي.
نوموړي پر خپلې اېکس پاڼې لیکلي چې په دغو بریدونو کې د ۱۱ ماشومانو، یوې ښځې او یوه سړي په ګډون ۱۳ کسان وژل شوي او ۱۴ نور ټپیان شوي دي.
مجاهد دغه بریدونه «بشري جنایت» او د افغانستان پر حاکمیت ښکاره تېری بللی او ویلي یې دي چې دوی دا اقدام په کلکو ټکو غندي.
د ملکي تلفاتو په اړه اندېښنې
د پر دریو ولایتونو د پاکستان بمبار راپورونه داسې مهال خپرېږي چې د سرحدي سیمو د امنیت او د ملکي وګړو د خوندیتوب په اړه اندېښنې زیاتې شوې دي.
تر اوسه پاکستاني چارواکو د دغو راپورونو په اړه رسمي څرګندونې نه دي کړې، خو د پېښې د قربانیانو د شمېر او د بریدونو د څرنګوالي په اړه معلومات لا هم راټولېږي.
د سیمهییزو سرچینو په وینا، د بمبار له امله زیانمنو شویو کورنیو ته د مرستو او د ټپیانو د درملنې هڅې روانې دي.
