اړوند خبرونه:
د ځیرکو مبایلونو کارول د مغزو د کنسر لامل نه کېږي
ادوین سنیزا سالوادور، چې په افغانستان کې د روغتیا نړیوال سازمان رئیس دی، وایي چې د هغو کسانو شمېر چې روغتیایي خدماتو ته لاسرسی نه لري، دوه چنده شوی دی.
د دویچهوله په حواله، روغتیا نړیوال سازمان راپور ورکړی چې د متحده ایالاتو د مرستو د بندیدو له امله د افغانستان له لس سلنه څخه زیات وګړي به د کال تر پایه روغتیایي خدماتو ته بشپړ لاسرسی له لاسه ورکړي.
هغه په یوه مرکه کې وویل: «موږ اوس د درې میلیونو کسانو په اړه خبرې کوو چې روغتیایي خدماتو ته یې لاسرسی نه لري—په مارچ کې له ۱.۹ میلیونو کسانو څخه دوه برابره دی.»
په ورته وخت کې، د لوږې پر وړاندې د مبارزې سازمان رئیس کوبي ریتویلد، ویلي چې که ماشومان چې د خوارځواکۍ سره مخ دي، درملنه ونشي، د هغوی د مړینې خطر ډېر لوړ دی.
هغه ویلي دي: «هیڅ ماشوم باید د خوارځواکۍ له امله مړ نه شي.»
په ورته مهال د خوړو نړیوال پروګرام وایي، افغانستان په خپل تاریخ کې د خورا سختې خوارځواکۍ سره مخ دی او دا هېواد د ماشومانو د بېساري بېړني حالت شاهد دی.
د ملګرو ملتونو اداره خبرداری ورکوي چې په روان کال کې به درې نیم میلیونه ماشومان د خوارځواکۍ سره مخ شي.
