کابل ته د اسلام اباد شرط؛ د پولې او سوداګرۍ د بیا پیل لپاره د ترهګرۍ پر ضد اقدام غواړي
کابل ته د اسلام اباد شرط دا دی چې د پاکستان په وینا، افغان حکومت باید د هغو وسلهوالو ډلو پر وړاندې پرېکنده او د تایید وړ اقدامات وکړي چې اسلاماباد یې د پاکستان پر ضد په فعالیتونو تورنوي. پاکستان وايي، له دې وروسته به د افغانستان پولې بېرته پرانیزي، ترانزیټي سوداګري به بیا پیل کړي او افغانستان به د سیمهییز اتصال د مرکز په توګه وکاروي.
د پاکستان د بهرنیو چارو وزارت ویاند سجاد حیدر خان د پنجشنبې په ورځ په اوونیزه خبري غونډه کې وویل، اسلاماباد له افغانستان سره د سوداګرۍ او سیمهییز اتصال پراختیا ته چمتو دی، خو د هغه په وینا، له افغان خاورې د پاکستان پر ضد د وسلهوالو فعالیتونه باید ودرول شي. کابل ته د اسلام اباد شرط
پاکستان: د پولې د پرانیستلو لپاره امنیتي تضمین غواړي
حیدر خان وویل، پاکستان تېر کال هم افغانستان ته د ترانزیټي سوداګرۍ په برخه کې یو شمېر اسانتیاوې برابرې کړې او تعرفې یې راکمې کړې، خو د هغه په وینا، اسلاماباد له کابل څخه د ترهګرۍ د مخنیوي غوښتنه کړې وه.
نوموړي زیاته کړه، که افغانستان د ترهګرۍ په برخه کې همکاري وکړي، پاکستان به د پولې د پرانیستلو او سوداګرۍ د بیا پیل لپاره د اوسني وضعیت د دوام دلیل ونه لري.
قطر، ترکیې او چین د خبرو په هڅو کې رول درلود
د پاکستان د بهرنیو چارو وزارت ویاند وویل، اسلاماباد د افغانستان په اړه له قطر، ترکیې او چین سره هم د خبرو او منځګړیتوب هڅې کړې دي.
د هغه په وینا، پاکستان او افغانستان تېر کال په قطر او استانبول کې خبرې کړې وې، خو اسلاماباد ادعا کوي چې د افغان لوري د همکارۍ نشتوالي له امله مطلوبې پایلې ته ونه رسېدې. کابل ته د اسلام اباد شرط
پاکستان وايي، لا هم غواړي پاتې ستونزې د خبرو او ډیپلوماسۍ له لارې حل شي او د دواړو هېوادونو ترمنځ سوداګري او سیمهییزه نښلونه بېرته پراخه شي.
کابل څه وايي؟
افغان طالبانو تر دې وړاندې څو ځله ویلي چې هیچا ته اجازه نه ورکوي چې د افغانستان خاوره د بل هېواد پر ضد وکاروي او د پاکستان هغه ادعاوې یې رد کړې چې ګواکې د افغانستان له خاورې د پاکستان پر ضد وسلهوال فعالیت کوي.
د کابل ته د اسلام اباد شرط له مخې، د پولې او سوداګرۍ د بیا پرانیستلو موضوع اوس د پاکستان له خوا د امنیتي غوښتنو له پوره کېدو سره تړل شوې ده.
