کابل ته د پاکستان ملي امنیت سلاکار سفر ‘ځنډول شوی’

ځړول شوی:جنوري 19, 2022 لخوا ځړول شوی:مسعود تبصرې:0

کابل ته د پاکستان لومړي وزیر د ملي امنیت سلاکار معید یوسف سفر ځنډول شوی دی. د افغانستان دولتي باختر خبري اژانس په رپوټ کې په کابل کې د پاکستان سفارت چارواکو له قوله ویل شوي، د ښاغلي یوسف سفر په کابل کې د خراب موسم له کبله ځنډول شوی دی. د باختر په رپوټ کې د دې سفر د بلې نېټې په هکله څه نه دي ویل شوي.

د یادونې ده، چې له دې مخکې یو شمېر افغان فعالانو د ښاغلي یوسف د سفر پر ضد کابل کې د احتجاجي غونډې اعلان کړی و او پر خواله رسنیو یې توند غبرګونونه څرګند کړي. مخکې پاکستان رسنیو د دغه هېواد د چارواکو له خولې خبر ورکړی و، چې ټاکل شوې د دغه هېواد د ملي امنیت سلاکار، معید یوسف، په مشرۍ یو پلاوی نن ‘جنوري ۱۸ مه ‘ په دوه ورځني رسمي سفر کابل ته لاړ شي.

نور یی ولوله | د افغانستان په لوېديځ کې زلزلې “مرګژوبله” اړولې

پاکستاني چارواکو ویلي و، له طالب چارواکو سره لیدنو کتنو کې به پام تر ډېره د افغانستان پر بشري وضعیت او په دې برخه کې د پاکستان پر همکارۍ ور ټول وي. خو د باختر اژانس په رپوټ کې بیا افغانستان ته د ښاغلي یوسف د سفر موخه له طالب چارواکو سره د ډیورنډ کرښې پر مسئلې د خبرو تر څنګ د سوداګرۍ او او اقتصاد اړوند مسایلو خبرې بلل شوې ده.

د یادونې ده چې دا وروستیو کې پر ډیورنډ کرښه د پاکستان له لوري د اغزن مزي غځولو پر سر د دواړو خواوو تر منځ ناندرۍ را ټوکېدلې. طالب ځواکونو په ځینو سیمو کې اغزن مزي ورټول کړل چې بیا دواړو غاړو په دې تړاو د خبرو اترو پر اړتیا ټینګار وکړ، خو لوړپوړو پاکستاني چارواکو ویلي، د اغزن مزو او کټارو لګول به بشپړوي.

د پاکستان کورنیو چارو وزیر شیخ رشید احمد تېره جمعه وویل، د ډیورنډ کرښې اوږدو کې به د اغزن تار غځولو پروژه ”د کابل په خوښه سرته ورسول شي.” شیخ رشید احمد زیاتوي، د ډیورنډ کرښې اوږدو کې ۲۶۰۰ کیلومتره اغزن تار غځول شوی او ایله ۲۱ کیلومتره پاتې تار به هم ژر وغځول شي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.