کرکټ کې د امریکايي لوبغاړي فساد؛ ICC بودوګم اخیلیش ریډي اته کاله له لوبو محروم کړ
کرکټ کې د امریکايي لوبغاړي فساد اړوند قضیه د کرکټ نړیوالې شورا (ICC) له سخت غبرګون سره مخ شوې ده. شورا اعلان کړی چې امریکايي کرکټر بودوګم اخیلیش ریډي (Budugum Akhilesh Reddy) د فساد ضد مقرراتو د سرغړونې له امله د اتو کلونو لپاره له هر ډول کرکټي فعالیتونو محروم شوی دی.
د ICC د خبرپاڼې له مخې، د نوموړي پر ضد د فساد ضد قانون د درېیو بېلابېلو مادو د نقض تورونه ثابت شوي دي. د فساد ضد خپلواکې محکمې د اسنادو او شواهدو له ارزونې وروسته پرېکړه کړې چې پر هغه اته کلن بندیز ولګول شي. کرکټ کې د امریکايي لوبغاړي فساد
کرکټ کې د امریکايي لوبغاړي فساد د کومې پېښې سره تړاو لري؟
د راپور له مخې، دا قضیه د ابوظبي د T10 لیګ ۲۰۲۵ سیالیو پر مهال رامنځته شوې ده. د ICC د پلټنو په ترڅ کې څرګنده شوې چې بودوګم اخیلیش ریډي د کرکټ د فساد ضد مقرراتو څخه سرغړونه کړې، چې له همدې امله پرې انضباطي اقدام شوی دی.
د بندیز موده به کله پیل شي؟
د کرکټ نړیوالې شورا ویلي، د نوموړي اته کلن بندیز به د ۲۰۲۵ کال د نومبر له ۲۱مې نېټې نافذ شي. د بندیز په موده کې به هغه ونه شي کولای د ICC یا د دې شورا د غړو کرکټ بورډونو تر چتر لاندې په هېڅ رسمي لوبه، سیالۍ یا بل کرکټي فعالیت کې برخه واخلي.
ICC د فساد ضد مقرراتو په پلي کېدو ټینګار کوي
د کرکټ نړیوالې شورا ټینګار کړی چې د فساد ضد مقرراتو جدي پلي کول د لوبې د روڼتیا، عدالت او اعتبار د خوندي ساتلو لپاره اړین دي. شورا وایي، د همدې پالیسۍ له مخې د فساد ضد هر ډول سرغړونې پر وړاندې د صفر زغم دریځ لري او له مقرراتو سرغړوونکو سره به قانوني چلند ته دوام ورکړي.
د کرکټ کې د امریکايي لوبغاړي فساد قضیه یو ځل بیا ښيي چې ICC د لوبو د روڼتیا د ساتنې لپاره د فساد ضد قوانینو په پلي کولو کې له سخت دریځ څخه کار اخلي او د هر ډول سرغړونې پر وړاندې انضباطي اقدامات کوي.
