په منځنۍ اسیا او افغانستان کې د دوامدار پرمختګ لپاره د سیمهییز مرکز پر جوړونې ګوترېش ټینګار کړی دی
په افغانستان کې د طالبانو په بیا واک ته رسېدو سره ملګري ملتونه او نړیواله ټولنه په دغه هېواد کې د داعش له حضوره او ودې اندېښنې لري. ددې تر څنګ د طالبانو رژیم تر اوسه یوه هېواد هم په رسمیت نه دی پېژندلی، خو نړیواله ټولنه په افغانستان کې د طالبانو کړنو او ترهګریزو سازمانونو ودې اندېښمنه کړي ده.
تازه د ملګرو ملتونو سرمنشي انتونیو ګوترېش په منځنۍ اسیا او افغانستان کې د «دوامداره پراختیا موخو» لپاره د سیمهییز مرکز د جوړېدو په هکله د قزاقستان د بهرنیو چارو وزیر مورات نورتلئو د وړاندیز ملاتړ کړی دی
دوامداره پراختیا او موخې
اياېلکېزېډ دوشنبه د تلې پر ۸مه راپور ورکړی چې ګوترېش دا موضوع د ملګرو ملتونو د عمومي غونډې په څنډه کې له نورتلئو سره د لیدنې پرمهال مطرح کړې ده.
د ملګرو ملتونو سرمنشي زیاته کړې: «ستاسې له هېواد [قزاقستان] څخه د ملګرو ملتونو د پروګرامونو د دوامدار ملاتړ، په ځانګړې توګه د الماتا په ښار کې د منځنۍ اسیا او افغانستان لپاره د دوامداره پراختیا سیمهییز مرکز د جوړېدو له کبله چې شخصاً ما د خپل پروګرام د یوې برخې په توګه ترې لیدنه کړې، مننه کوم.»
نور ولولئ: ملګري ملتونه: د دوحې ۳مه ناسته به د افغان ښځو حقونه څرګند کړي
نور ولولئ: راتلونکې اوونۍ په کابل کې د سیمهییزو هېوادونو غونډه
د یادونې ده چې تېره اوونۍ د قزاقستان د بهرنیو چارو وزیر د عمومي اسمبلۍ په ۷۱مه غونډه کې په منځنۍ اسیا او افغانستان کې د دوامداره پراختیا موخو لپاره د سیمهییز مرکز د جوړېدو غوښتنه کړې وه.
د هغه په وينا، د منځنۍ اسيا هېوادونه د اقليمي بدلون له کبله له رامنځته شويو ګواښونو سره مخ دي.
په افغانستان کې د داعش له ودې ویره
نورتلئو د مرکزي اسیا په هېوادونو کې د اقلیمي بدلون ننګونو سره د مبارزې لپاره د «دوامداره پراختیا موخو» مرکز جوړول اړین بولي.
ټاکل شوې قزاقستان په ۲۰۲۶ کال کې د اقلیمي بدلون په هکله لومړنۍ سیمهییزه غونډه جوړه کړي.
خو پر دې سربېره، د منځنۍ اسیا هېوادونه په افغانستان کې د داعش ډلې له حضور او ودې ویره ښوولي، خو طالبان وايي، په دغه هېواد کې د داعش ډله ځپل شوي او نه شي کولی چې لوی بریدونه پلان کړي.
تازه د طالبانو ویاند ذبیح الله مجاهد ویلي، داعش خراسان ډله له افغانستان وتلي او اوس د پاکستان له بلوچستان او خیبرپښتونخوا فعالیت کوي.
