د پاکستان بهرنیو چارو وزارت په نننۍ اعلامیه کې ویلي چې طالبانو غیر قانوني پوسته جوړوله
په اعلامیه کې ویل شوي، د پاکستان حکومت پر خپله خاوره د بل چا هیڅ ډول لاسوهنه نه شي زغملی ځکه په دې سره د پاکستان حاکمیت تر پوښتنې لاندې راځي.
همدارنګه په دغه اعلامیه کې ویل شوي:«کله چې مو د سپټمبر په ۶مه د طالبانو له لوري د غیرې قانوني ابادیو د جوړولو مخه ونیوله د طالبانو له لوري د یوه سولیز هوډ پر ځای د پاکستاني پوځیانو پوستې په نښه شوې، په تورخم کې یې زیربناوې زیانمنې کړې او د پاکستان او افغان ولسي وګړو ژوند یې په خطر کې واچاوه»
نور ولولئ: شهباز شریف طالبانو ته؛ پاکستان ته دې د ترهګرو د ننوتو مخه ونیسي
د پاکستان د بهرنیو چارو وزارت وايي، د دغه هیواد پر سرحدي پوستو دا ډول بې دلیله او بې توپیره ډزې په هیڅ صورت د توجیه وړ نه دي او د طالبانو له لوري بې دلیله ډزې ترهګر زړور کوي.
پاکستان یو ځل بیا افغانستان د ترهګرو ځای بللی
دا څووم ځل دی چې اسلام اباد د وروستیو بریدونو په تړاو طالبانو ته د ملامتیا ګوته نیسي او وايي چې دوی پاکستاني طالبانو ته ځای ورکړی دی.
نور ولولئ: خیبر پښتونخوا: کورمه کې د شیعه او سني تر منځ جګړه
اعلامیه کې راځي، د افغانستان او پاکستان پر پوله د طالبانو له لوري د پرلپسي غیرې ضروري پارونو په مقابل کې پاکستان له زغم څخه کار اخیستی او تل خبرو ته لومړیتوب ورکوي. د تورخم لنډ مهاله بندول د سختو قضیو پر مهال کیږي، لکه د ۶ سپټمبر پیښه او یا هم د افغانستان خاوره په پاکستان کې دننه د بریدونو لپاره د کارولو پر مهال .
پاکستان د طالبانو پر اعلامیه هم نیوکې لري
پاکستان د طالبان اعلامیه له بې بنسټه خبرو ډکه بللي ده.
د دغه اعلامیې په یوه برخه کې د طالبانو د بهرنیو چارو وزارت د تیرې ورځې اعلامیې ته هم غبرګون ښودلی، وايي، په یاده اعلامیه کې د پاکستان د اقتصادې او بهرنۍ سوداګرۍ په اړه ځینې بې بنسټه څرګندونې شاملي وي.
پاکستان چمتو دی چې د رغنده خبرو اترو له لارې ټولې دوه اړخیزي مسلې او اندیښنې حل کړي چې د دواړو هیوادونو اقتصادي اړیکې لا پیاوړې شي.
دا څووم ځل دی چې پاکستان په دیپلوماتیکه ژبه طالبان ملامتوي، خو د طالبانو دریځ بیا د دوی په مقابل کې دومره نرم دی چې رښتیا فکر کېږي طالبان ملامت دي او یا اسلام اباد ته سخت مجبوریت لري.
