د افغانستان او زمبابوې ترمنځ د نړیوالو یو ورځنیو او نړیوالو شل اوریزو لوبو لړۍ پای ته رسېدو وروسته به افغانستان له ایرلینډ سره د نړیوالو شل اوریزو لوبو لړۍ ترسره کړي
زمبابوې ته په ټولو سیالیو کې ماتې ورکړه
افغانستان په زمبابوې کې له زمبابوې سره ۳ نړیوالې یو ورځنۍ او ۳ نړیوالې شل اوریزې لوبې ترسره کړې، چې په ټولو لوبو کې یې زمبابوې ته ماتې ورکړه.
د کریک انفو له مخې، د افغانستان او ایرلېنډ ترمنځ به د ۵ نړیوالو شل اوریزو لوبو لړۍ د اګست په میاشت کې ترسره شي، چې دا سیالۍ به په بیلفاسټ کې ترسره کېږي.
نور یی ولوله| د بادغیس دیني عالمان د نجونو د ښوونځیو د پرانیستو غوښتنه کوي
نور یی ولوله | هرات کې د سوداګرو مېرمنو له خوا د دایمي بازار جوړېدل
لومړۍ شل اوریزه لوبه په ۹م اګست، دویمه لوبه په ۱۱م اګست، دریمه لوبه په ۱۲م اګست، څلورمه لوبه په ۱۵م اګست او پنځمه لوبه به د اګست په ۱۷مه نېټه ترسره شي.
افغان لوبډلې هم پر کرکټ بورډ نیوکې کوي
د یادولو وړ ده، چې د افغان لوبډلې ډېری مینه وال په کرکټ بورډ له دې امله هم نیوکې کوي، چې ولې یوازې له ایرلینډ او زمبابوې سره لوبې برابروي او له نورو لویو لوبډلو سره د لوبو په برابرولو نه توانېږي، خو له دغه لوبو شاوخوا دوه میاشتې وروسته نړیوال شل اوریز جام هم پیلېږي، چې افغانستان به پکې له سترو لوبډلو سره مخ شي.
