اړوند خبرونه:
د افغان-قزاق سوداګریز وصل کېدل او دویم لوی نندارتون
په ملي صنعت او نړیوال نندارتون کې ښځې سوداګرې
افغانستان د اوړو برخه کې ۶۰ سلنه اړتیاوې له کورني تولید پوره کوي چې اقتصادپوهان دا لویه لاسته راوړنه بولي
د طالبانو د ریاست الوزراء اقتصادي مرستیالۍ ویلي، چې افغانستان اوسمهال د اوړو شاوخوا ۶۰ سلنه اړتیاوې له کورني تولید پوره کوي.
یادې ادارې زیاته کړې چې ؛ افغانستان په کال کې شاوخوا ۶ میلیون ټنه اوړو ته اړتیا لري، چې ۳.۵ میلیون ټنه یې په هېواد کې دننه تولیدیږي.
د طالبانو د ریاست الوزرا اقتصادي مرستیالۍ زیاته کړې؛ اوسمهال په هېواد کې د نږدې ۱۵۰ میلیون ډالرو په پانګونه د اوړو د تولید ۲۰۰ فابریکې فعالې دي او په دې ۲۰۰ فابریکو کې ۲ زره ۵۰۰ کسان هره ورځ کار کوي.
د یادې ادارې مسوولانو ویلي، چې د اړتیا وړ یو میلیون ټنه اوړه دا ۲۰۰ فابریکې او پاتې نور سیمهییزې کارخونې تولیدوي.
سرچینې ويلي، چې طالبان د غنمو او اوړو وارداتي تعرفې د اوړو د سکټور د پیاوړي کولو لپاره کمې کړي، چې نه یوازې له بزګرانو ملاتړ کوي، بلکې د غنمو د قاچاق مخه هم ورسره نیول کیږي.
دا په داسې حال کې ده، چې د حاصلاتو په موسم کې د کورنیو غنمو پېر په مناسب قیمت تضمین او د بازار اړتیاوې پخپل وخت پوره کیږي.
