اړوند خبرونه:
د ایران ولسمشر: له افغانستانه د اوبو د حق د ترلاسه کولو په اړه خبرې کوو
طالبانو په کابل کې د ایران له نوي سفیر سره لیدلي
د ایران د بهرنیو چارو وزیر سېدعباس عراقچي افغانستان ته سفر کوي.
په کابل کې د ایران سفارت پنجشنبه د سلواغې پر ۴مه، افغانستان ته د عراقچي د سفر خبر ورکړی دی.
یاد سفارت افغانستان ته د هغه د سفر موخې او کره نېټې په اړه نور جزئیات نه دي ورکړي.
دا به د طالبانو تر کنټرول لاندې افغانستان ته د یو ایراني لوړپوړي چارواکی لومړنی سفر وي.
شاوخوا یوه میاشت مخکې په کابل کې د ایران سفیر عليرضا بیګدلي د طالبانو د بهرنیو چارو وزیر امیرخان متقي سره په یوې لیدنه کې افغانستان ته د یو لوړپوړي ایراني پلاوي د سفر خبر ورکړی و.
د یادونې ده چې ایران د حقابې پرسر او په افغانستان کې د ترهګرو ډلو د حضور اختلافاتو سربېره، له طالبانو سره خپلې ډیپلوماټیکې اړیکې ساتلي دي.
