امریکا کې هغه لاریون وال نیول شوي چې د فلسطینیانو په ملاتړ یې لاریونونه کړي دي
د امریکا پولیسو تر هغې وروسته د مظاهره چیانو نیول پیل کړل چې غوښتل یې سوله ييز لاریون ګډوډ کړي. د نیویارک ښاروال ادم ایریک په وینا د صهیونیستي او د اسراییل ضد چلند “پراخ”و او ټینګار کوي چې فعالین هلته “په سوله ییزه توګه د لاریون لپاره نه وو، بلکې د ګډوډۍ د رامنځته کولو هڅه یې کولې.”
نوموړی وايي، تېره شپه د نیویارک په پوهنتونونو کې د لاریونونو پر مهال شاوخوا ۳۰۰ کسان نیول شوي دي. په نیویارک کې د پولیسو د ورته لاریون څخه څو ساعته وروسته په لاس انجلس کې د فلسطین پلوه لاریون کوونکو په کمپونو کې نښتې شوي دي.
هغه وايي پوهنتون “سمدستي د دوه اړخیزو مرستو ملاتړ لپاره د قانون پلي کولو غوښتنه وکړه.”
لاریون کوونکي هله نیول شوي، چې یوه اکاډمیکه ودانۍ یې نیولې ده
د نیویارک ښار پولیسو په اپر منهاټن کې د کولمبیا پوهنتون له یوې څانګې لسګونه فلسطیني پلوه لاریونیان نیولي دي. پولیسو شاوخوا ۲۴ ساعته وروسته تر هغه، د لاریون کوونکو په نیولو پیل وکړ چې دوی یوه اکاډیمیکه ودانۍ ونیوله.
لاریون کوونکو پولیسو ته “په تاسو د شرم” وي چېغې وهلې، خو پولیسو د لسګونه کسانو تر نیولو وروسته د هغوی لاسونه تړلي او بسونو ته یې پورته کړي دي. اوسمهال هلته ارامي ده او زدکوونکو بېرته پوهنتون ته ورستنېدل پیل کړي دي.
نور ولولئ: طالبان: فلسطین کې د اسراییلو د نویو مېشتځایونو د جوړېدو پرېکړه غندو
نور ولولئ: د فلسطیني ټپي ماشومانو ۱۶مه جوپه د درملنې په موخه متحده عربي اماراتو ته ولېږدول شوه
پولیس وايي، دوی د پوهنتون ساحه او د شاوخوا دوه اوونیو زړې خېمې له لاریونیانو پاکې کړې دي. د نیویارک پولیسو ادارې افسران د سه شنبې په شپه د زینو په کارولو د دویم پوړ کړکۍ له لارې نیول شوې ودانۍ، “هېملټن هال” ته ننوتل.
کالیفورنیا کې لاریونونه تر تاوتریخوالي رسيدلي
د کولمبیا ایالت چارواکو وروسته تر هغه د برید اجازه ورکړه، چې لاریون کوونکو له هغه ځایه د تللو له ټاکل شوي ضرب الاجله سرغړونه وکړه. د چارواکو په وینا وروسته له هغه چې تالار “اشغال شو، ویجاړ شو او بند شو، موږ کوم بل انتخاب نه درلود.”
له پلو د کالیفورنیا په پوهنتون کې لاریونونه په تاوتریخوالي اوښتي. د رپوټونو له مخې د کالیفورنیا په پوهنتون، لاس انجلس کې حالت په چټکۍ بدلېږي، هلته زدکوونکو لاریونیانو په خپل انګړ کې لاریونونه پیل کړي دي.
په سیمه کې په ځايي وخت د شپې یوه بجه د مخالفو اعتراض کوونکو ډلو ترمنځ نښتې شوې دي.
په ټولنیزو رسنیو کې داسې رپوټونه خپاره شوي اسرائیل پلوه مظاهره چیانو د شپې له خوا د فلسطیني پلوو پر کمپ برید پیل کړی دی. خپاره شوي انځورونه او ویډیوګانې ښيي چې په کمپ کې پر خلکو توکي ورغورځوي، او اور لګوي.
ځینې محصلین چې ماسکونه یې اچولي و، په نیمه شپه کې ورغلي دي.
