اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د ایران د رضوي خراسان د تایباد ولسوالۍ ولسوال حسین جمشیدي وايي چې د روان کال له پیل څخه د سرطان میاشتې تر پایه پورې، له دوغارون ګمرک څخه افغانستان ته د ترانزیت شوو توکو ارزښت یوه میلیارد، ۶۰۵ میلیون، ۷۴۸ زره او ۱۹۲ امریکایي ډالره و.
د هغه په وینا، د سږ کال په لومړیو څلورو میاشتو کې هم د څه باندې ۲۸۴ میلیون ډالرو توکي افغانستان ته صادر شوي دي.
د ایران د کورنیو رسنیو د راپور له مخې، حسین جمشیدي وویل:
« د سږ کال په څلورو میاشتو کې، ۵۲۹ زره او ۱۴ ټنه توکي چې ارزښت یې ۲۸۴ میلیون، ۲۹۶ زره او ۴۷۸ ډالره و، د دوغارون له لارې افغانستان ته صادر شوي دي.»
د هغه د ورکړل شوو جزئیاتو له مخې، دغه توکي د ایران له دوغارون سرحدي بازارګي څخه افغانستان ته صادر شوي دي.
د تایباد ولسوال زیاتوي چې د ودانیزو موادو، خوراکي توکو، مېوو، تیلي محصولاتو او مایع ګاز صادرات د ایران له مهمو صاداراتي اقلامو څخه دي.
دغه ایراني چارواکي همداراز اعلان وکړ چې د سږ کال له پیل څخه د سرطان میاشتې تر پایه پورې، له افغانستان څخه دوغارون ته د ترانزیت شوو توکو اندازه ۲۴ زره او ۷۲۵ ټنه وه، چې ارزښت یې ۶۴ میلیون، ۲۳۱ زره او ۸۵۵ امریکایي ډالره اټکل شوی دی.
