جرمني کې د اسرائیل کونسلګرۍ ته نژدې وسله وال سړی په ډزو وژل شوی دی
د جرمني په مونیخ کې د اسرائیل کونسلګرۍ او د نازیانو په تړاو د اسنادو راټولولو یوه مرکز ته نژدې یو سړی د پولیسو په ډزو سخت ژوبل شوی دی. دغه سړی له پولیسو سره په متقابلو ډزو کې ویشتل شوی دی.
د کورنیو چارو بوارین وزیر جواچیم هېرمن وايي، دغه سړی له پېښې وروسته مړ شوی دی.
پولیس وايي، له پېښې مخکې دا سړی په سیمه کې داسې حال کې ولیدل شو، چې اوږده وسله یې په لاس کې وه او وروسته له پنځو پولیس افسرانو سره په متقابلو ډزو کې ښکېل شو.
د یاد غونډې د نمانځلو پلان
د پېښې پر مهال د اسرائیل کونسلګرۍ تړل شوې وه او په ۱۹۷۲ کال کې یې په همدې مونیخ ښار کې د المپیک لوبو پر مهال د فلسطیني وسله والو په برید کې د ۱۱ وژل شویو اسرائیلي لوبغاړو او یوه پولیس افسر یاد غونډه نمانځله.
پولیس وايي، د پنجشنبې ورځې دې برید په تړاو بل هېڅ شکمن په پام کې نه شته.
نور ولولئ: په نړیوال سیاست کې د متحده عربي اماراتو رول؛ پوتین اماراتو او سعودي عربستان ته سفر کوي
نور ولولئ: امریکا به اوکراین ته د جرمني په څېر غښتلی هوايي دفاعي سېستم ورکړي
د ښار مرکز ته دې نژدې سیمه کې اوس خنډونه درول شوي او پلټنې روانې دي. د سیمې له اوسېدونکو غوښتل شوي، چې په کورونو او مېشت ځایونو کې دننه پاتې شي او له ګوماني ګونګوسو ډډه وکړي.
هلته په هوا کې یوه چورلکه هم ګرځي او له خلکو غوښتل شوي، چې د پېښې ځای تصویرونه پر خواله رسنیو خپاره نه کړي.
په ډزو کې چاته د زیان نه اوښتل
په مونیخ کې د ملي ناسونالیزم مستند مرکز نهه کاله مخکې د پخواني نازي ګوند د مرکزي دفتر په ودانۍ کې پرانیستل شو. د ځايي رسنیو په رپوټونو کې ویل شوي، د ډزو پېښه کې هېچا ته زیان نه دی اوښتی او پولیسو له دې پېښې وروسته په مونیخ کې د یهودانو مرکزي معبد (سینیګاګ) لپاره امنیتي تدبیرونه زیات کړي دي.
د اسرائیلي کونسلګرۍ تالیا لادور د پېښې په تړاو د پولیسو چټک غبرګون له کبله مننه کړې او په وینا یې دا پېښه ښيي چې “د یهودیت ضدیت زیاتېدل څومره خطرناکه چاره ده.”
د اسرائیل ولسمشر اسحاق هیرزوګ د دې پېښې په هکله وايي، له خپل جرمن سیال فرانک والټر سټیېنمیر سره یې خبرې کړې او په خبره یې دواړو مشرانو دا پېښه او وېره، ترهه یې غندلي دي.
