اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د خوست ځايي مسوولینو په یاد ولایت کې د ۲۰۰ زره ډالرو په لګښت د کرومایټ ډبرو د پروسس کارخونې له پرانیستلکېدو خبر ورکړی.
د دغه ولایت د کانونو او پټرولیم ریاست مسوولینو ویلي چې دا کارخونه د شرق نفرایټ او یلومون ګروپ له لوري په «تڼیو» ولسوالۍ کې پرانیستل شوې ده.
د مسوولینو په وینا چې یاده کارخونه په میاشتني ډول د ۱۵۰۰ ټنو کرومایټ ډبرو د پروسس وړتیا لري، چې په مستقیم او غیرمستقیم ډول به ګڼ شمېر کسانو ته د کار زمینه برابره شي.
په ورته وخت کې د تڼیو ولسوالۍ یو شمېر اوسېدونکو د دې کارخونې پر فعالېدو خوښي ښودلې او په دې ولسوالۍ کې د ورته بنسټیزو کارونو د پیلېدو غوښتنه کړې ده.
د دوی په وینا چې د دا ډول کارخونو جوړېدل او فعالېدل هېوادوالو ته د کاري زمینې د چمتوکولو په برخه کې ګټورې تمامېږي.
تر دې مخې هم په ځینو ولایتونو کې بېلابېلې پروژې پرانیستل شوې چې د هېوادوالو له هرکلي سره مخ شوې دي.
