د افغانستان د فوټسال ملي لوبډله نن ماښام له تایلنډ سره لوبه لري
د افغانستان د فوټسال ملي لوبډله نن ماښام د کانټیننټال فوټسال جام سیالیو په لومړۍ لوبه کې له کوربه هېواد تایلنډ سره مخامخ کېږي.
ټاکل شوې ده چې دغه لوبه د کابل پر وخت د ماښام په ۶:۰۰ بجو پیل شي. افغان لوبغاړي به هڅه وکړي چې د دې سیالیو پیل په بریا سره وکړي او د نړیوالو لوبډلو پر وړاندې خپله وړتیا وښيي. د افغانستان د فوټسال ملي لوبډله
د افغانستان د فوټسال ملي لوبډلې د لوبو مهالوېش اعلان شو
د کانټیننټال فوټسال جام سیالیو لپاره د افغانستان د فوټسال ملي لوبډلې بشپړ مهالوېش اعلان شوی دی. د معلوماتو له مخې، افغان لوبډله به له تایلنډ وروسته د روانې اوونۍ په دوشنبه، چهارشنبه او پنجشنبه په ترتیب سره له ویتنام، روسیې او نیوزیلنډ سره سیالۍ ترسره کړي. د افغانستان د فوټسال ملي لوبډله
د فوټسال ملي لوبډله د نړیوالو تجربو ترلاسه کولو په لټه کې ده
د کانټیننټال فوټسال جام سیالۍ د پنځو هېوادونو د ملي لوبډلو په ګډون د تایلنډ په کوربتوب ترسره کېږي.
د فوټسال ملي لوبډله په دې سیالیو کې د نړیوالو لوبو د تجربو زیاتولو، د لوبغاړو د وړتیاوو د پیاوړتیا او د راتلونکو مهمو سیالیو لپاره د چمتووالي په موخه ګډون کوي.
د افغانستان فوټسال لوبغاړي هیله لري چې په دې جام کې د قوي سیالانو پر وړاندې ښې لوبې ترسره کړي او د هېواد د فوټسال د پرمختګ لپاره مثبتې پایلې ترلاسه کړي.
