اسلام اباد –
د طالبانو خارجه وزارت وايي امیرخان متقي په مشرۍ یو لوړ پوړی پلاوی نن چهارشنبه د پاکستان مرکز اسلام اباد ته رسېدلی . کابل کې د پاکستان سفیر منصور احمد احمد خان او د افغانستان لپاره د پاکستان خاص استازي محصد صادق خان په هوایي ډګر کې د افغان طالبانو پلاوي هرکلی وکړ.
په اګست میاشت کې په افغانستان کې د طالبانو له واکمنې څخه وروسته پاکستان ته د طالبانو یو لوړپوړي پلاوی لومړنی سفر دی. د طالبانو د خارجه وزارت ویاند عبدالقهار بلخي پر خپله ټوېټر پاڼه لیکلي په دې پلاوو کې د دوی د خارجه وزیر مالیې او تجارت وزیران او کاري ډلې هم شامل دي . ښاغلي بلخي سه شنبه ویلي چی د اقتصادي اړیکو پیاوړتیا، ټرانزیټ، کډوالي او د دواړو هېوادونو تر منځ د وګړو تګ راتګ لپاره اسانتیاوې چمتو کول د دې سفر موخه ده.
دا هم ولولئ | د کرېکټ نړیوال جام: انګلستان او استرالیا نیمه پایلوبې ته ورسېدل
طمعه کېږي چې طالب چارواکي به دې درې ورځني سفر کې د پاکستان د خارجه وزیر او نورو چارواکو سره وګوري. همدا رنګه ویل کېږي چې امیر خان متقي به د ټرویکا هېوادونو د وزیرانو په ناسته کې هم ګډون کوي چې د پنجشنبې پر ورځ اسلام اباد کې پیل کیږی. لدی نژدې درې اونۍ وړاندی د پاکستان بهرنیو چارو وزیر شاه محمود قریشي کابل ته د سفر پر مهال د طالبانو د حکومت لومړي وزیر ملا محمد حسن اخوند په ګډون د دې ډلې د حکومت له لوړپوړو چارواکو سره لیدلي.
طالبان داسې مهال کې د سیمې له هېوادونو سره د یپلوماتیکو اړیکو چارې لټوي چې د افغانستان کې د بشري کړکیچ وېره ښکاریږی او دا وروستیو کې د خوړو نړیوال سازمان مسوولینو ویلي، ۹۵ سلنه افغانان کافي خواړه نه لري. تر اوس مهال هیڅ یوه هېواد د طالبانو حکومت په رسمیت نه دی پېژندلی او په بهرنیو بانکونو او مالي ادارو کې د افغانستان میلیاردونه زېرمه شوي
