Uncategorized

د اوکرایین جګړه؛ مسکو کې بیا د ډرون برید شوی

مسکو کې تازه د اوکراین له لوري د ډرون الوتکو برید شوی او لوړه ودانۍ یې په نښه کړې

د روسیې د پلازمېنې مسکو ښاروال سرګیې سوبیانین ويلي‌، په دغه ښار کې بیا د ډرون بریدونه شوي دي.

د ښاغلي سوبیانین په وینا یو ځل بیا چاودېدونکی ډرون له هغه اسمانڅکي سره جنګول شوی چې د یکشنبې پر ورځ هم په ورته برید کې په نښه شوی و.

نور ولولئ: روسیي ځواکونو پر کیېف د توغندیو نور پراخ بریدونه کړي

د مسکو ښاروال وايي‌ دغه برید کې د ‘موسکوا سېټي کمپلکس’ د دې اسمانڅکې ودانۍ یوویشتم پوړ ته یو څه زیان اوښتی، خو مرګژوبله یې نه ده اړولې.

هغه زیاته کړې چې څو نور ډرونونه راغورځول شوي دي.

د روسیې دفاع وزارت اعلامیه

له دې سره د روسیې دفاع وزارت هم اعلان کړی چې د مسکو سیمه کې دوه اوکراییني‌ ډرونونه د هوايي‌ دفاع سیستمونو په وسیله ویشتل شوي‌ دي.

نور لولئ: پر کیېف د روسیې تندریز بریدونه

د دغه وزارت اعلامیه کې راغلي چې دریم ډرون د بریښنايي جګړې تجهیزاتو په وسیله له ځپل کېدو وروسته موسکوا سیټي کمپلکس کې پر یوه غیر استوګنیزه ودانۍ راپرېوتی.

په دې وروستیو کې د روسیې پر پلازمېنې د ډرون بریدونه ډېر شوي او کرېملین یې پړه پر اوکرایین اچوي.‌

خو کیېف عموما په زغرده پر دغو بریدونو تبصره نه کوي.‌

د زېلېنسکي پر پلرني‌ ټاټوبي خونړی برید

ودانۍ کې شاوخوا ۳۵۰ کسان ایسار پاتې وو چې وروسته وژغورل شول

مسکو کې د ډرون تر دغو تازه بریدونو څو ساعته مخکې د اکرایین کریفيې‌ریه ښار کې د روسیې په راکټي بریدونو کې د یوه ۱۰ کلن ماشوم او د هغه د مور په ګډون ۶ کسان وژل شوي وو.

خو اوکراین بیا دا شمېره زیاته ښيي

‌د اوکرایین کورنیو چارو وزارت ویلي چې په دغو بریدونو کې نږدې ۷۰ کسان ټپي شوي هم دي.

د ځايي چارواکو په وینا د روسي ځواکونو توغندي د ملکیانو د استوګنې پر یوه لوړپوړیزه ودانۍ او یوه پوهنتون لګېدلي دي.

سیمه ییز والي سېرهي لیاڅک د دغه برید د قربانیانو په یاد یو ورځنی ماتم اعلان کړی.

کریفیې‌ریه د اوکرایین د ولسمشر ولودمیر زېلېنسکي پلرنی ټاټوبی دی.

روسي ځواکونه پر دغه ښار پرله پسې بریدونه کوي.

همدا تېره جون میاشت هم دغه ښار کې د روسیې په پراخو راکټي بریدونو کې په یوه ورځ ۱۱ کسان وژل شوي او ۲۸ نور ټپي‌ شوي‌ وو.‌

دارنګه تېره دوه ورځې وړاندې د اوکراین ولسمشر ویلي وو، چې نور به جګړه مسکو ته ور وګرځي.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button