د بيان د ازادۍ نړیواله ورځ؛ نړۍ باید له خبریالانو سره ودرېږي
![censored right speak microphone entangled with iron chain lock desk 1200x675 1](https://afghannow.net/wp-content/uploads/2023/05/censored-right-speak-microphone-entangled-with-iron-chain-lock-desk-1200x675-1.jpg)
ملګرو ملتونو سږ کال د مې درېمه د رسنیو نړیوالې ورځې په مناسبت د وینا د خپلواکۍ اصل پر مراعتولو ټینګار کړی دی
یونیسکو بیا په ټوله نړۍ کې د خبریالانو د خوندیتوب غوښتنه کړې ده.
په ټوله نړۍ کې د رسنیو د ازادۍ نړیواله ورځ پر داسې مهال لمانځل کېږي چې په افغانستان کې خبریالان مالوماتو ته د لاسرسي او پر رسنیو د سانسور او محدودیت لګولو نه شکایت کوي.
نور ولولئ: درسنیومسئولینود طالبانودسیاسي دفتر چارواکوسره لیدل کتل شوي
د ملګرو ملتونو سرمنشي انتونیو ګوتېرېش ویلي چې د ملګرو ملتونو سرمنشي انتونیو ګوتېرېش ویلي، زموږ ټولې ازادۍ د وینا پر ازادۍ ولاړې دي. د نړۍ په هر ګوټ کې د وینا ازادي تر برید لاندې ده. نوموړي پر ټویټر لیکلي چې د وینا د ازادۍ پر ورځ، او هره ورځ نړۍ باید له خبریالانو سره ودرېږي ځکه چې دوی له حقیقت سره ولاړ دي.
واک ته د طالبانو تر رسېدو را وروسته تر ټولو زیات محدودیتونه په رسنیو کې پر مېرمنو لګېدلي دي
ملکه احمدزۍ چې د طالبانو د واکمنۍ پر مهال په افغانستان کې د خبريالې تجربه لري وایي له يوې خوا مالوماتو ته د هغوى نه لاسرسى او له بلې خوا امنيتي ګواښونه د دې لامل شوي چې ډېرى ښځينه خبريالانې خپل کار پرېږدي.
اغلې ملکه وایي د طالبانو له خوا د رسنیو پر ښځینو کارکوونکو د محدودیتونو لګول د ګڼو افغان رسنیو د غږ د کمرنګه کېدو لامل شوې ده.
د خبریالانو د ملاتړ د بنسټونو رسمي شمېرې ښيي چې واک ته د طالبانو تر رسېدو او د جمهوریت تر پرځېدو وروسته شاوخوا اتیا سلنه ښځینه خبریالانو خپلې دندې پرېښې یا یې له لاسه ورکړي دي.
امنیتي ګواښونو یا خو دې ته اړ کړي چې خپلې دندې پریږدي او یا یې لویه برخه کې د کډوالۍ لاره خپله کړې ده.
افغانستان کې د رسنیو سانسور
کابل کې افغان خبریاله هیله مایار وایي هڅه یې کړې د محدودیتونو او د دې اندېښنو سره سره چې یوه ورځ به په بشپړ توګه د رسنیو له ډګر نه هم بي برخي کیږي خپل هېواد کې پاتي او رسنیزو هڅو ته یې دوام ورکړی دی.
په افغانستان کې پر رسنیو د واکمن سانسوري وضعیت څخه مالومیږي چې لګېدلي محدودیتونو یوازې تر مېرمنو پوري را لنډ نه دي.
نارینه خبریالان هم مالوماتو ته د لاسرسي او د وینا د خپلواکۍ برخه کې له محدودیتونو سره مخ دي.
یو شمېر ولایتي خبریالان هم په خپلو سیمو کې د طالبانو د غړو د ناسم چلند نه شکایت کوي او نیوکه کوي چې د هر خبر په اړه یې د پوښتونو ګرویږنو لپاره ور غواړي.