سپینې ماڼۍ خبرداری ورکړی چې د جوبایډن مېرمن جېل بایډن د کرونا ټېسټ یا ازموینه مثبته رااختلې

دا چې د جېل بایډن عمر زیات دی، نو ډاکټران یې د کرونا مثبت ټیسټ وارخطا کړي دي او دوی وايي، که چېرته دا ناروغي ورباندې بد اغېز وکړي نو د هغې د ژوند لپاره خطرناکه ده او په اوس وخت کې یې ډاکټران په درملنه بوخت دي.

سپینې ماڼۍ اعلان وکړ، چې په هند کې د جي ۲۰ سرمشریزې ته د ولسمشر جو بایډن له سفر څو ورځې وړاندې د متحده ایالاتو د لومړۍ مېرمن جیل بایډن د کوویډ – ۱۹ ازموېنه مثبته ختلې؛ خو د بایډن ازموینه بیا منفي اعلان شوې ده.

نور ولولئ: بایډن جي۲۰غونډه کې د چین ولسمشر پر نه ګډون کولو خواشيني ښوده

د بايډن ۷۲ کلنه مېرمن د وروستي ځل لپاره د تېر کال په اګسټ میاشت کې په کرونا اخته شوې وه.

د بایډن د کرونا ټېسټ

د اتیا کلن بايډن د کرونا معاینه، د وروستي ځل لپاره د ۲۰۲۲ کال په جولای کې مثبته اعلان شوې وه.

بایډن د ۲۰۲۴ کال په ټاکنو کې د بیا ګډون لپاره چمتووالی نیسي. په ورته وخت کې، د هغه بوډا توب د رایې ورکوونکو لپاره یوه مهمه مسله بلل کېږي.

نور ولولئ:

زیلېنسکي او بایډن د واګنر د بغاوت په اړه له یوه او بل سره خبرې کړي

هغه تر ټولو هغه بوډا ولسمشر دی، چې دویم ځل ولسمشرۍ ته د درېدو په لټه کې دی او ځینو جمهوري غوښتونکو ویلي، چې د هغه عمر د راتلونکو څلورو کلونو لپاره ډېر زیات دی؛ خو د بایډن متحدین وایي، چې هغه اوس هم د ولسمشرۍ وړتیا لري او د دغې دندې د ترسره کولو لپاره چمتو دی.

د امریکا د ولسمشریزو ټاکنو سیالي

د امریکا د راتلونکو ولسمشریزو ټاکنو لپاره د جمهوري غوښتونکو او دیموکراتانو د مخکښو غړو تر منځ سیالي روانه ده او هر څوک په خپله ګټه کمپاینونه کوي چې په داسې حال کې د جېل بایډن د کرونا د مثبت ټېسټ رااختلو مسئله راپورته شوه او دا کېدای شي چې د بایډن روغتیايي حالت اندېښمن وښيي او پلویانو یې په ټاکنو کې اندېښمن شي.

دا په داسې حال کې ده چې یاده ټاکنو ته پخوانی ولسمشر ټرمپ او د بایډن نور سر سخت مخالفین د هغه  کمزوري کولو او د ځانونو د بریالي کولو لپاره هڅې کوي.