د زلزلې د ټپيانو د درملنې لپاره خوست کې د یوه سیار روغتون جوړېدل
![د زلزلې د ټپيانو د درملنې لپاره خوست کې د یوه سیار روغتون جوړېدل](https://afghannow.net/wp-content/uploads/2022/06/د-زلزلې-د-ټپيانو-د-درملنې-لپاره-خوست-کې-د-یوه-سیار-روغتون-جوړېدل-2.jpg)
متحده عربي امارات غواړي په دغه ولایت کې یو ګرځنده روغتون جوړ کړي
په خوست ولایت کې چارواکي وايي چې متحده عربي امارات غواړي په افغانستان کې د وروستۍ زلزلې د ټپيانو د درملنې لپاره په دغه ولایت کې یو سیار روغتون جوړ کړي.
د خوست د هوايي ډګر رییس بهرام موسی په دې هکله وویل:«د یوه کلینیک په هکله خبرې شوې دي. کار یې پیل شوی دی او ان شاالله ډېر ژر به یو کلینیک جوړ شي.ورته مهال اماراتو کې د افغان سوداګرو شورا رییس وايي چې زیانمنو ته د اماراتو د مرستو د برابرولو لپاره د اماراتو او خوست ولایت ترمنځ هوايي دهیلز رامنځته شوی دی.
نور یی ولوله | ستانکزی: د سیمې او ګاونډیو هېوادونو همکاري د افغانستان د ټيکاو لپاره مهم ده
نور یی ولوله | د افغانستان د ځينو مخکینیو چارواکو له شتمنیو د پردې پورته کول
متحده عربي اماراتو کې د افغان سوداګرو د شورا رییس عبیدالله صدرخېل وايي:«له دې وروسته چې په ولایتونو کې زلزله وشوه، متحده عربي اماراتو پرېکړه وکړه چې باید بیړنۍ مرستې ورسېږي او هغوی د خوست او اماراتو ترمنځ یو پل «برج – هوايي خط سیر» جوړ کړ چې د ورځې الوتنې کېږي.»
موږ له ټولو هېوادونو غواړو، چې د متحده عربي اماراتو په څېر له موږ سره مرسته وکړي
د خوست ولایت ځينې اوسېدونکي له نړۍوالې ټولنې او مرستندویه بنسټونو غواړي چې له دوی سره مرستې وکړي. د خوست اوسېدونکي شامر حقیار وویل:«موږ له ټولو هېوادونو غواړو چې د متحده عربي اماراتو په څېر له موږ سره مرستې وکړي.» تراوسه د متحده عربي اماراتو، ایران، قطر، پاکستان، او ځينو نورو هېوادونو خپلې مرستې د خوست ولایت اوسېدونکو ته رسولې دي.