تازه طالبانو خبر ورکړی چې په جوزجان کې به یو کس اعدام کړي
د بلخ لپاره د طالبانو د والي ویاند وايي، د دې ډلې د درې ګونو محکمو د پرېکړي له مخې سبا په جوزجان کې یو کس اعدامېږي.
طالبانو د دغه کس د هويت په اړه نور معلومات نه دي ورکړی. په ورته مهال ځینې سرچینې وايي، چې دوه کسان په جوزجان کې اعدامېږي.
خو د بلخ لپاره د طالبانو د والي ویاند حاجي زايد پر خپله اېکس پاڼه ليکلي د یو کس د اعدامېدو خبره کړې ده.
نوموړی زیاتوي: « په جوزجان کې یو قاتل باندي الهي حکم (قصاص) پلي کيږی.»
په دې اړوند نور جوزیات نه دي ورکړل شوي
نوموړي د دې کس او د قصاص د ځای اړوند نور معلومات نه دي ور کړي.
طالبانو تېره پنجشنبه په غزني کې هم دوه کسان په یوه لوبغالي اعدام کړل.
نور ولولئ: د طالبانو ستره محکمه؛ بامیانو کې یې ۱۳ تنه په درو وهلي
نور ولولئ: طالبانو په پکتیا کې پنځه تنه عام محضر کې په درو وهلي
نور ولولئ: په غزني کې د طالبانو له لوري د دوو کسانو اعدامېدل
دې ډلې د دې دوو کسانو تر اعدام یوه ورځ مخکې له خلکو غوښتي وو، چې د دې کسانو د اعدام لیدو ته ور شي.
د طالبانو د تېرې اونۍ اعدام د ملګرو ملتونو او بښنې نړیوال سازمان له غبرګون سره مخ شو.
د افغانستان لپاره د ملګرو ملتونو ځانګړي دفتر یا یوناما وویل، چې ملګري ملتونه د اعدام د مجازاتو مخالف دي او له طالبانو غواړي چې ژر تر ژره د اعدام مجازات لغوه کړي.
د طالبانو اعدامونو ته د نړیوالو سازمانونو غبرګون
د بښنې نړیوال سازمان هم پر طالبانو غږ وکړ، چې سملاسي د اعدام سزا بنده او ټول اعدامونه لغوه کړي.
دې سازمان د غزني له پېښې یوه ورځ وروسته خپل اېکس کې ولیکل، چې اعدام د نړیوالو قوانیو خلاف او نه زغمېدونکی بللی دی.
د بښنې نړیوال سازمان د خلکو په مخ کې اعدام هم انساني کرامت ته سپکاوی ګڼلی و.
خو طالبان وايي، چې د «عبرت» لپاره په عام محضر کې اعدام کوي، خو دا ډله خلکو ته د انځور او ويډيو اخيستلو اجازه نه ورکوي.
پر افغانستان د طالبانو بیا واکمنۍ دې ډلې تېر کال د قصاص لومړی حدود په فراه ولایت کې او دوهم ځل تېره اونۍ په غزنې کې پلي کړل او سبا یې هم جوزجان کې عملي کوي.
د یادونې وړ ده چې خلک د طالبانو پر قضایه قوه شکونه کوي. دوی وايي چې طالبان د خپل رژیم هغه جنګیالي چې جرمونه یې کړي، د اعدام او نورو سزاګانو نه مجازات کېږي بلکې ددوی له لیکو بهر خلکو باندې د شرعي احکامو د تطبیق هڅې کوي.
