د ماه رنګ بلوچ نیونې ته غبرګونونه لا پراخ شوي دي. د بښنې نړیوال سازمان (Amnesty International) د بلوچستان د ترهګرۍ ضد محکمې له لوري د بلوڅ فعالې ډاکټرې ماهرنګ بلوچ او د هغې د ملګرو پر وړاندې د عمري بند سزا د عادلانه محاکمې له اصولو سره په ټکر کې بللې او د هغوی د سمدستي خوشې کېدو غوښتنه یې کړې ده.
د دغه سازمان د جنوبي اسیا سیمهییزې مشرې ایزابېل لوسي په یوه اعلامیه کې ویلي چې د پاکستان د ترهګرۍ ضد قوانینو څخه د سولهییزو مدني فعالانو د غلي کولو لپاره ناسمه استفاده کېږي او وروستۍ پرېکړه د عادلانه محاکمې حق ته سپکاوی دی.
د ماه رنګ بلوچ نیونې ته غبرګونونه؛ د محاکمې پر بهیر نیوکې
بښنې نړیوال سازمان ویلي، پر ماهرنګ بلوچ او د بلوڅانو د یووالي کمېټې پر غړي صبغت الله شاهجي د لګېدلو تورونو د ثابتولو لپاره هېڅ مستقیم شواهد نه دي وړاندې شوي، خو بیا هم دواړو ته د زندان دننه په یوه چټکه او پټه محکمه کې د عمري بند سزا واورول شوه. د ماه رنګ بلوچ نیونې ته غبرګونونه
دغه سازمان زیاتوي چې دا ډول محاکمه د نړیوالو حقوقي معیارونو خلاف ده او د قضايي بهیر د روڼتیا په اړه جدي اندېښنې راولاړوي.
د توقیف او تورونو مخینه
ماهرنګ بلوچ د ۲۰۲۵ کال له مارچ میاشتې راهیسې په توقیف کې ده. د هغې مدافع وکیلان وایي چې د دوسیې د تعقیب پر مهال له ګڼو حقوقي خنډونو سره مخ شوي دي. د ماه رنګ بلوچ نیونې ته غبرګونونه
د بلوچستان د ترهګرۍ ضد محکمې نوموړې، صبغت الله شاهجي، د بلوڅ محصلانو ټولنې مشر بالاچ قادر او فعال ابوبکر کلانچي ته د عمري بند سزا واوروله.
د پاکستاني چارواکو په وینا، دغه کسان د ۲۰۲۴ کال په جولای کې د ګوادر د اعتراضونو پر مهال د یوه امنیتي سرتېري د وژل کېدو په قضیه کې تورن دي. خو د ماهرنګ بلوچ مدافع وکیل استدلال کوي چې یاد امنیتي کس د ګڼې ګوڼې پر مهال د ډبرو له لګېدو وروسته مړ شوی او هېڅ قصدي عمل نه دی شوی.
د ماه رنګ بلوچ نیونې ته غبرګونونه؛ د بشري حقونو بنسټونو اندېښنې
د پاکستان د بشري حقونو کمیسیون هم له محکمې غوښتي چې خپله پرېکړه له سره وڅېړي.
د بښنې نړیوال سازمان ټینګار کړی چې ماهرنګ بلوچ او د هغې ملګري یوازې د بشري حقونو د دفاع او سولهییزو مدني فعالیتونو له امله په نښه شوي او باید ټول تورونه ترې لرې او ژر تر ژره خوشې شي.
ماهرنګ بلوچ څه وایي؟
د بلوڅانو د یووالي کمېټې له لوري خپور شوي لیک کې، چې ماهرنګ بلوچ ته منسوب دی، ویل شوي چې هغې او یو شمېر نورو بندیانو د زندان دننه له ۱۹۲ ساعتونو راهیسې اعتراضي پرلت پیل کړی دی. د ماه رنګ بلوچ نیونې ته غبرګونونه
په لیک کې راغلي چې دوی د پرانیستې او شفافې محاکمې غوښتنه لري او د ترهګرۍ ضد محکمې د قاضي د بدلون غوښتنه هم کوي.
ماهرنګ بلوچ ویلي چې زندان یې د مبارزې برخه ده او د خپلو حقونو له غوښتنې به لاس وانخلي.
د ماه رنګ بلوچ نیونې ته غبرګونونه دوام لري
د ماهرنګ بلوچ نیول او وروستۍ محکومیت د نړیوالو بشري حقونو بنسټونو او مدني فعالانو پراخ غبرګونونه راپارولي دي. د بښنې نړیوال سازمان، د پاکستان د بشري حقونو کمیسیون او یو شمېر نورو نړیوالو بنسټونو له اسلاماباد غوښتي چې د بلوڅ مدني فعالانو پر ضد د ترهګرۍ ضد قوانینو کارول ودروي، د هغوی د عادلانه محاکمې حق تضمین کړي او هغه کسان خوشې کړي چې د سولهییزو فعالیتونو له امله زنداني شوي دي.
ماهرنګ بلوچ د بلوڅانو د حقونو له پېژندل شویو فعالانو څخه ده او په ۲۰۲۴ کال کې د بي بي سي د نړۍ د اغېزناکو ښځو په نوملړ کې شامله شوې وه. هغې د نوبل د سولې جایزې د احتمالي نوماندانو په بحثونو کې هم ځای موندلی و او له کلونو راهیسې د جبري ورکېدنو، بشري حقونو او عدالت لپاره کمپاین کوي.
