د متحده عربی اماراتو ولسمشر شیخ محمد بن زاید خپل ولس ته وینا وکړه.

د عربي اماراتو ولسمشر جلالتمآب شیخ محمد بن زاید ال نهیان د متحده عربي اماراتو لخوا د راتلونکو لسیزو لپاره د خپلو هیلو د ترلاسه کولو لپاره په لاره اچول شوي ستراتیژیک پلانونه روښانه کړل.

ولسمشر ټولو هیوادوالو او اوسیدونکو ته وینا وکړه

په یوه وینا کې چې د چهارشنبه په ورځ خپره شوه،ولسمشر ټولو اتباعو او اوسیدونکو ته خطاب وکړ، ملي لومړیتوبونه او هغه څه چې متحده عربي امارات په راتلونکو لسیزو کې ترلاسه کولو هیله لري روښانه کړل.شیخ محمد وینا دوه میاشتې وروسته له هغې کیږي چې هغه د متحده عربي اماراتو ولسمشر وټاکل شو،باید یاده کړو چې د هغه ورور شیخ خلیفه چې د می په 13، 2022 نېټه وفات شوی وو.

هغو کسانو ته چې د یو پیاوړي دولت د ورکولو او جوړولو بډایه میراث یې پریښی وو، درناوی وکړ

په وینا کې  نوموړي د مرحوم شیخ خلیفه او بنسټ ایښودونکي پلار مرحوم شیخ زاید بن سلطان ال نهیان هم  یاد کړل او همداراز د یوه پیاوړي دولت د ورکولو او جوړولو بډایه ېې میراث پریښی وو درناوی هم وکړ. جمهور رئیس یو ځل بیا ټینګار وکړ چې د بنسټ ایښودونکو مشرانو په نقش قدم به روان وي او د دوی د پرمختګ او سوکالۍ لار به پر مخ وړي.

د خلکو پیاوړتیا زموږ لومړیتوب دی

شیخ محمد وویل:د اتباعو ځواکمنتیا زموږ لومړیتوب دی او زموږ د پلانونو بنسټ دی چې هدف یې د دوي هوساینې او خوښۍ تضمین کول دي.جمهور رئیس وویل: زموږ خلکو ته د هوسا او ښه  ژوند کولو لپاره د اړتیا وړ هرڅه شتون زموږ د راتلونکو پلانونو اساس دی.

نور یی ولوله | د احمد مسعود تازه څرګندونې

نور یی ولوله | د کانکور ازموینې ناڅرګندې نېټې زده‌کونکي اندېښن کړي

د اماراتو خلک چې تل وفادار دي

هغه د اماراتو په اتباعو ویاړي چې تل خپل ملت ته وفادار پاتې شوي دي وویل .ګرانو وروڼو، موږ نېکمرغه یو چې د داسې خلکو ملت لرو، چې د اتحاد څخه مخکې او وروسته، او حتی په سختو وختونو کې، د سختو ننګونو سره د مقابلې لپاره خپل هوډ ثابت کړی دی. زموږ په خلکو کې زموږ وياړ لامحدود دی. 

د هیواد په پرمختګ کې د بهرنیانو رغنده رول

ولسمشر د هېواد په پرمختګ کې د بهرنیانو رغنده رول ته هم اشاره وکړه.هغه زیاته کړه موږ د خپلو اوسیدونکو د ارزښتناکه رول ژوره ستاینه کوو چې دا هیواد خپل دوهم کور ګڼي.ښاغلي شیخ د عربي اماراتو جوړولو او پراختیا کې د دوی د دوامداره ملاتړ  ستاینه هم وکړه.او وی ویل چې دوي مونږ ته هر وخت ارزښت لري. هغه وويل:پیاوړی اقتصاد د داخلي ودې او نړیوالې سیالی لپاره ضروي دی نوموړي همداراز وویل مونږ غواړو داسې اقتصادي پلانونه عملي کړو چې زمونږ وکړي ېې له امله په مثبت ډول متاثره شي او خپل روز مره ژوند ېې په ښه توګه پر مخ ولاړ شي.

متحده امارات به د نړۍ له هیوادونو سره مرستې ته دوام ورکړي پرته لدې چې دوی مذهبي وي

ولسمشر وویل چې متحده عربي امارات به د مذهبي، کلتوري او قومي شالیدونو په پام کې نیولو پرته د نړۍ له هیوادونو سره مرستې ته دوام ورکړی. او ملت به د متقابل درناوي پر بنسټ د نړۍ له ټولو هېوادونو سره د همکارۍ پلونو ته دوام ورکړي.باید یاده کړو چې متحده عربي اماراتو همېشه د نورو هېوادونو تر څنګ افغانستان سره هم مرستې کړي دوي په دې وروستیو کې د خوست او پکتیکا زلزله ځپلو سره ځانګړې مرستې وکړې.باید یاده کړو چې د زلزله ځپلو لپاره ېې د نورو مرستو تر څنګ یو مجهز بیړنی روغتون هم جوړ کړ.