اسرائیلو هوکړه کړې چې خامخا به د فلسطین پر رفح ښار برید کوي
د اسرائیلو صدراعظم نتنیاهو ویلي چې که اوربند وشي، که ونه شي، اسرائیل به د حماس پر پټنځایونو چې په رفح کې دي، برید وکړي. اسرائیلي رسنیو راپور ورکړی چې لومړي وزیر بنیامین نتنیاهو د تبادلې د معاملې د خبرو اترو په رڼا کې د غزې په سوېل د رفح په ښار کې پوځي عملیات دوه ځله وځنډول.
د پوځ رادیو وویل چې اسرائیل پرېکړه کړې قاهرې ته یو پلاوی ونه لیږي، چې په خبرو اترو کې برخه واخلي او د چهارشنبې په ماښام د مصر وړاندیز ته د حماس ځواب ته انتظار باسي.
راتلونکې ۷۲ ساعتونه
د “یدیعوت احرونوت” ورځپاڼې ویلي چې راتلونکي ۷۲ ساعتونه د برخلیک ټاکونکو پرېکړو لپاره پرېکنده دي.
نور ولولئ: د اسراییل-حماس جګړه به په ۲۰۲۴ کې هم روانه وي
نور ولولئ: د حماس-اسراییل جګړه؛ حماس د جګړې تر پای ته نه رسېدو پورې د یرغمل شوو کسانو د نه خوشي کېدو ګواښ کړی
امریکايي ادارې رفح ښار ته د اسرائیلو ننوتل رد کړي دي.
د اسرائیلو د خپرنیو ادارې خبر ورکړی چې امریکايي ادارې د غزې تړانګې په جنوب کې د رفح ښار ته د اسرائیلي پوځیانو ننوتل رد کړي دي. ورځپاڼې د مصر د وړاندیز په جزئیاتو کې ویلي چې دا په سیمه کې د اسرائیلي پوځ نه شتون ته اشاره کوي چې د غزې شمالي برخه له جنوبه جلا کوي. ورځپاڼه زیاتوي، اسرائیلو موافقه کړې خپل ځواکونه له نتزاریم څخه وباسي چې د غزې له شمالي او جنوبي برخې سره جلا کوي.
د غزې شمال ته راستانه شوي کسان
د ورځپاڼې په وینا، هغه کسان چې د غزې شمال ته راستانه شوي د مصري ځواکونو لخوا به پلټل کېږي. د متحده ایالاتو د بهرنیو چارو وزیر انتوني بلېنکن هیله څرګنده کړه چې حماس به د اوربند او تبادلې هغه وروستی وړاندیز ومني چې دده په ټکو “ډېر سخاوتمندانه” دی.
د دوشنبې په ورځ د بریتانیا د بهرنیو چارو وزیر ډېوېډ کامیرون هم پر حماس غږ وکړ چې د وړاندیز شوي تړون سره موافقه وکړي، هغه وویل چې دوی د ۴۰ ورځني اوربند او د “شاید زرګونو” فلسطیني بندیانو د خوشي کولو په بدل کې د اسرائیلي یرغمل شویو کسانو د خوشي کولو وړاندیز ترلاسه کړی دی.
مصر، قطر او امریکا له څو میاشتو راهیسې هڅه کوي د اسرائیلو او حماس تر منځ د یوې موافقې منځګړیتوب وکړي، خو په وروستیو ورځو کې له ډیپلوماټیک فعالیت داسې ښکاري چې د دوښمنۍ د درولو لپاره یو فشار راوړي.
