اړوند خبرونه:
د افغانستان کرېکټ بورډ؛ یونس خان د افغان لوبډلې روزونکی وټاکل شو
د کرېکټ پر لوبغاړو د طالبانو تبلیغاتي ډلې نیوکې
کرېکټ؛ افغان اتلانو زېمبابوې ته په دویمه ۲۰ اوریزه لوبه کې ماته ورکړه
د پاکستان او هند ترمنځ د وسله وال کړکېچ پر دوام د دغه هېواد کرېکټ غوره لیګ یا PSL سیالۍ متحده عربي اماراتو ته انتقال شوې.
د دغه لیګ لسم پړاو سیالیو کې یوازې ۸ لوبې پاتې دي، چې په دوبۍ کې به ترسره شي.
د راپورونو له مخې په متحده عربي اماراتو کې د راتلونکو سیالیو نوی مهالوېش به ډېر ژر اعلان شي او تمه ده چې لوبې به نږدې یوه اوونۍ وروسته پیل شي.
تېره ورځ د کراچۍ کېنګز او پېښور زلمي لوبډلو ترمنځ لوبه هم د راولپنډۍ پر کرېکټ لوبغالي د هند د ډرون برید له امله وځنډول شوه.
پر راولپنډۍ د هندي ډرون برید او په دغه هېواد کې د بهرنیو لوبغاړو پر وړاندې موجودو امنیتي اندېښنو بهرني لوبغاړي نور هم اندېښن کړي دي.
د پاکستان کرېکټ بورډ او امنیتي ادارو له هند سره تر کړکېچ وړاندې هم په دغه هېواد کې د افغان لوبغاړو په ګډون د بهرنیو لوبغاړو د امنیت خوندیتوب لپاره د امنیتي تدابیرو د ټینګولو امر کړی و.
