اړوند خبرونه:
د اقلیمي بدلون په اړه د م.م. “کاپ ۲۹” غونډه په ازاربایجان کې پیلېږي
اقلیمي بحران؛ د ویتنام (مچو اخیستونکې) ډبرې له منځته تلو په حال کې دي
دغه ساینسپوهانو خبر ورکړی چې ۲۰۲۵ کال به په نړۍ کې تر ټولو ګرم کال وي.
هغه ساینس پوهان چې د اقلیم بدلون او د نړیوالې تودوخې څارنه کوي په دې باور دي چې د جنوري د تودوخې په کتو سره به ۲۰۲۵ کال تر ټولو ګرم کال وي.
په یوه راپور کې چې پرون خپور شو، نیو ساینټیسټ مجلې لیکلي چې د هوا پېژندنې پوهانو تمه درلوده چې د نړۍ تودوخه به په ۲۰۲۳ او ۲۰۲۴ کې د ریکارډ لوړې کچې وروسته کمه شي، خو پرځای یې، د نړۍ تودوخه د ۲۰۲۵ کال په جنوري کې خپلې لوړې کچې ته ورسیده.
د راپور له مخې، سږ کال جنوري د ریکارډ تر ټولو ګرمه جنوري وه، چې د ۱۸۵۰ څخه تر ۱۹۰۰ پورې د تودوخې درجه د اوسط څخه ۱.۷۵ درجې سانتي ګراد لوړه وه، چې د پخوانیو ریکارډونو څخه یې هم لوړه کړه.
د نړۍ د تودوخې د دې نوي ریکارډ سره، ساینس پوهانو خبرداری ورکړی چې ۲۰۲۵ کال به د ریکارډ تر ټولو ګرم کال وي. دوی دا ریکارډ ماتونکی نړیوال تودوخه هم بې ساري بولي او د نړیوالې تودوخې سره د مبارزې اړتیا باندې ټینګار کوي.
