افغانستان –
ستانکزی ویلی چی پخواني چارواکي دې هېواد ته بیرته را ستانه شي خو په کابینه کې دې د څوکۍ طمعه نلری د طالبانو د خارجه وزارت مرستیال عباس ستانکزي له مخالفینو د پرځول شوی حکومت له لوړ پوړو چارواکو او پوځي ځواکونو څخه غوښتنه کړی چې افغانستان ته راستانه شي.
ښاغلي ستانکزي د بهرنیو چارو په وزارت کې جوړو شویو مراسمو ته ویلی له ټولو مخالفینو سره په اړیکه کې دي او له هغوی څخه یې غوښتنه کړې چې بېرته هېواد ته د خپل ژوند کولو لپاره راستانه شي.نوموړی ویلی راشۍ چې د یووالي او بیارغونې او جوړونی لپاره یوه لور په ګډه پیدا کړو او ستونزی حل کړو . عباس ستانکزي ټینګار وکړه چې افغانستان د نړیوالې ټولنې یوه برخه ده او د تړل شویو بهرنیو سفارتونو د بېرته پرانیستلو او اړیکو د ټینګولو لپاره هر ډول کوښښ وشی .
دا هم ولولئ | طالبان:د کوکنارو کښت باید بدل شي
طالب چارواکي په کابل کې د هغو بهرنیو سفارتونو د بېرته پرانستلو غوښتنه کوي چې د طالبانو له واکمنۍ څخه وروسته تړل شوي دي ډېر لویدیځو هېوادونو د خپلو سفارتونو مامورین قطر ته لیږلی او له هغه ځایه څخه د افغانستان اړوند چاری مخ ته وړی .امریکا قطر په افغانستان کې د خپلو ګټو د خوندي ساتلو هېواد په ډول نومولی او په دې لړ کې قطر د امریکايي وګړو ځیني کونسلي کارونه او په افغانستان کې د امریکايي ودانیو او تاسیساتو د څار دنده ترسره کوي.
د پخوانیو چارواکو بانکي حسابونه په همدې مهال کې د طالبانو د لومړي وزیر مرستیال عبدالسلام حنفي د افغانستان مرکزي بانک ته په یوه لیک کې لارښوونه کړې چې د هغو پخوانیو چارواکو بانکي حسابونه دې نه تړي چې په افغانستان کې پاتې .
همدغه رنګه په لیک کې لیکلی چې د هغو پخوانیو چارواکو بانکي حسابونه دې تړلي پاتې چې اوس مهال له هېواده څخه بهر اوسېږي او خپل مسوولیتونه یې په رسمي توګه د طالبانو حکومت ته ندی سپارلي.
