د سریلانکا کرکټ ټیم
سریلانکا کرکټ لوبډلې له یوې غوره توپ اچونې وروسته عالي توپوهنه هم ترسره کړه او د پاتوم نېسانکا د ښکلې پنځوسیزې پرمټ یې د پاکستانۍ لوبډلې کار وکړ او بریا یې خپله کړه.
دا لوبه چې د اسیا جام سوپر فور راونډ وروستۍ لوبه وه، د دوبۍ نړیوال کرکټ لوبغالي کې ترسره شوه. د دې لوبې په پیل کې داسون شانکا پچه وګټله او پاکستانۍ لوبډله یې توپ وهنې ته راوبلله پاکستان کرکټ لوبډلې په ۱۹.۱ اورونو کې د ټولو لوبغاړو په سوځېدو سره ۱۲۱ منډې وکړې، چې بابر اعظم ۳۰، محمد رضوان ۱۴ او محمد نواز ۲۶ زیاتې منډې وکړې.
د سریلانکا له خوا ونېندو هسرنګا غوره توپ اچونه ترسره کړه، هغه درې لوبغاړي وسوځول. دغه راز مهیش ټیکشانا او پرامود مدوشان دوه-دوه، دننجایا ډي سلوا او چمیکا کرونارتني یوه-یوه ویکټ ترلاسه کړه.
نور یی ولوله | محمد نبي د هند سره د لوبې په اړه څه ویلي؟
نور یی ولوله | اسیا جام او د افغان لوبغاړو کارکردګي
سریلانکا یاد هدف پوره کړ
سریلانکا د ۱۲۲ منډو هدف په ۱۷ اورونو کې د ۵ لوبغاړو په سوځېدو پوره کړ او د پاکستان لوبډلې غرور یې مات کړ، چې ښایي په پایلوبه کې یې هم پښې ولړزیږي.
د دوی لخوا پاتوم نېسانکا ۵۵ ناسوځېدلې، بنوکا راجاپکسا ۲۴ او داسون شانکا ۲۱ زیاتې منډې وکړې. پاکستان ته حارث رووف او محمد حسنین دوه-دوه او عثمان قادر یوه ویکټ ترلاسه کړه
