سعودي د افغانستان وضعیت په اړه د اسلامي همکاریو سازمان بېړنۍ غونډه را وبلله
![سعودي د افغانستان وضعیت په اړه د اسلامي همکاریو سازمان بېړنۍ غونډه را وبلله](https://afghannow.net/wp-content/uploads/2021/11/OIC-meeting-Afghanistan1629647214-0.png)
افغانستان –
سعودي د افغانستان وضعیت په تړاو د اسلامي همکاریو سازمان بېړنۍ غونډه را وبلله سعودي عربستان د دوشنبې پر ورځ د اسلامي همکاریو پر سازمان غږ کړی چې په افغانستان کې د روان وضعیت د ارزولو تړاو دې بېړنۍ او ځانګړې غونډه وکړی.
د پاکستان د خارجه وزارت په یوه اعلامیه کې ویلي چی د راتلونکې دسمبر مېاشتې پر ۱۷مه نېټه اسلام اباد کې د دې غونډی د کوربتوب وړاندیز کړی. سعودي چارواکو غوښتنه کړې چې پدی غونډه کې دې په افغانستان کې بشري وضعیت و ارزول شي او د کړکیچ مخنیوي چارې دې وموندل شی. عرب نیوز ورځپاڼې لیکلی چی د سعودي چارواکو ویلي طالبان باید وهڅول شي چې یو ټولشموله حکومت جوړ کړي بشري حقوقو ته درناوی وکړي او نجونو ته د زدکړو اجازه ورکړي ځکه دا حق په اسلام کې ورکړی .
سعودي چارواکی همدا رانګه هیله مند دی چې په دې غونډه کې به د افغانستان په اړه پر مهمو موضوعاتو د یو ګډ دریځ فرصت پیدا شي. د عرب نیوز ورځپاڼې لیکلي طمع کېږي چې په دې غونډه کې به د افغانستان د ثبات او ځمکنۍ بشپړتیا به هم خبرې وکړی . یادی ورځپاڼې زیاته کړی چی د اسلامي همکاریو سازمان د ترهګرۍ ردوي او ټینګار کوي چې د افغانستان خاوره باید د ترهګرو لپاره او یا هم د سخت دریځو ډلو د پټنځای په ډول ونه کارول شي.
دا هم ولولئ | طالب چارواکي په کابل کې د متحده عربي اماراتو د سفارت د بیا پرانیستلو خبر ورکړی.
سعودي چارواکو د اسلامي همکاریو سازمان له غړو هېوادونو، نړیوالو مرستندویه ادارو او نور هېوادونو څخه غوښتنه کړې چی په دې غونډه کې ګډون وکړي او د افغانستان د وګړو د مرستې لپاره بېړني چاری مخ ته ویسی .
طالبانو له امریکا او اروپایي ټولنې غوښتي چې د دې کړکیچ مخنیوي لپاره دې د افغانستان میلیارده ډالرو کنګل شوې شتمني پرانیزی . خو واشنګټن او اروپایي هېوادونو تر دا غوښتنه نه ده منلې او ټینګار کوي چې د طالبانو کړنو او تګلارو ته په لیدو به پرېکړه او قضاوت کوي.