سلمان خان هم طلایي ویزه ترلاسه کړه

متحده عربي اماراتو د بالیووډ فلمونو د مشهور اداکار سلمان خان په ګډون یو شمېر نورو هندي اداکارانو ته د طلايي ویزې ورکولو اعلان کړی دی.

په روانه میاشت کې د هند د مشهورې فلمي جایزې (ایفا ایوارډز) پروګرام د متحده عربي اماراتو په ابوظهبي کې ترسره شو. په دغه پروګرام کې د هند مشهورو اداکارانو او نورو خلکو ګډون وکړ.ایفا (د هند نړیوال فلمي جایزې) د ابوظهبي د فلم کمیسیون له خوا په ګډه ترسره شو، چې له دغه پروګرام وروسته د ابوظهبي د فلم کمیسیون د هندي سینما مشهورو اداکارانو لپاره د طلايي ویزې ترلاسه کولو لپاره کار وکړ.

د متحده عربي اماراتو ۱۰ کلنې طلايي ویزو په ترلاسه کوونکو کې د سلمان خان په ګډون دیویا کمار، جینیلیا دیش مک، ریتیش دیش مک، بوشن کمار، انیس بزمي او اندری ټیمنز شامل دي.

نور یی ولوله | سعودي عربستان په لومړي ځل د اروپايي فلمي فیسټیوال کوربه توب کوي

نور یی ولوله | شیخ محمد بن زاید آل نهیان همېشه د زغم او انساني ورورولۍ د ارزښتونو د ودې لپاره د ګډ کار کولو په اهمیت ټینګارکړی

کوم کسان چې د متحده عربي اماراتو ۱۰ کلنه طلایي ویزه ولري، دوی نه یوازې دا چې په متحده عربي اماراتو کې مېشت کېدای شي، بلکې هلته کار هم کولای شي او خپل کاروبار هم کولای شي.

په دې وروستیو کې یو شمېر نورو مشهورو هندي اداکارانو هم دغه طلايي ویزې ترلاسه کړې دي، چې سنجی دت او اوروشي روټیلا پکې د یادولو نومونه دي.