سلمان خان په اړه جالب خبر؟
![خان 1](https://afghannow.net/wp-content/uploads/2022/02/سلمان-خان-1.png)
سلمان خان، چې دوه لسیزې یې پر بالیووډ بادشاهي کړې ده، په سعودي عربستان کې د کال د غوره شخصیت جایزه ورکړل شوه. سلمان خان په ریاض کې د (جوی ایوارډونو) د مراسمو هغه عکس د ټولنیزې رسنۍ انسټاګرام له لارې خپور کړی، چې پکې هغه ته دا جایزه ورکول کیږي.
سلمان خان په سرلیک کې لیکلي، چې ناصر وروره، ستا په لیدو خوښ شوم او د سلمان خان تصویر ته د هغه مینه والو د مبارکۍ پیغامونه په تبصره کې لیکلي او په سعودي عربستان کې د سلمان خان د شهرت په لیدلو ډېر خوشحاله شول.
نور یی ولوله | نواز الدین صدیقي خپل خوب په حقیقت بدل کړ
تر دې وړاندې د سلمان خان د مراسمو یوه ویډیو هم خپره شوې وه، چې پکې نوموړی خپل ځان امریکايي اداکار جان ټراولټا ته معرفي کوي، سلمان خان وايي چې د هندي فلمي صنعت سره اړیکه لرم او زما نوم سلمان خان دی.
د ټولنیزو رسنیو کاروونکو د سلمان خان دغه چلند عاجزانه بللی او د اداکار ستاینه یې کړې ده. سلمان خان تېره کال په دسمبر کې سعودي ته تللې و، چې هلته ورته یو زیات شمېر مینه وال راغونډ شوي و.