د بالیووډ فلمونو مشهور او باصلاحیته اداکار نواز الدین صدیقي خپل هغه خوب په حقیقت بدل کړ، چې د یو ښایسته کور ارمان یې درلود او اوس یې دغه کور په ممبۍ کې جوړ کړ.
هندي رسنیو د نواز الدین صدیقي د نوي کور عکسونه خپاره کړي دي او لیکلي یې دي، چې نواز الدین صدیقي د همداسې یو کور جوړولو خوب درلود، چې اوس یې پوره کړ.
نواز الدین صدیقي د هند د یو کوچني کلي څخه ممبۍ ته راغلی و، تر څو په فلمونو کې کار وکړي، هغه ډېر کلونه په فلمونو کې کوچني کوچني کردارونه ولوبول او وروسته بیا د بالیووډ یو له مشهورو اداکارانو څخه شو.
د نواز الدین صدیقي دا کور په ممبۍ کې دی او هغه ورته د (نواب) نوم ورکړی دی، چې د هغه د پلار نوم دی. د سپین رنګ دا درې منزله کور په اصل کې یوه بنګله ده، چې مخې ته یې چمن هم شته.
نور یی ولوله | پیسته د موسمي ناروغیو ترڅنګ نورې ګټې هم لري
په راپورونو کې ویل شوي دي، چې د دې کور ټول دننه ډیزاین نواز الدین صدیقي په خپله جوړ کړی، ځکه هغه د همداسې یو کور جوړولو ارمان درلود.
