سېسېل رایټه له ۶ لسیزې کرېکټ کولو وروسته ومړ

اړوند خبرونه:
د افغانستان کرېکټ بورډ؛ یونس خان د افغان لوبډلې روزونکی وټاکل شو
د کرېکټ پر لوبغاړو د طالبانو تبلیغاتي ډلې نیوکې
کرېکټ؛ افغان اتلانو زېمبابوې ته په دویمه ۲۰ اوریزه لوبه کې ماته ورکړه
له افریقا تر انګلستانه؛ د سېسېل رایټپه نامه د کرکټ هغه لوبغاړی مړ شو، چې نږدې شپږ لسیزې یې کرکټ وکړ او د ۸۵ کالو په عمر یې وروستۍ ټېسټ لوبه ترسره کړه.
سېسېل رایټ په افریقایي هېواد جمېکا کې زېږېدلی و، په انګلنډ کې یې ټول عمر لوبه وکړه او د ۸۵ کالو په عمر د لنکاشایر له غوره لیګ سیالیو متقاعد شو. نوموړی تېره (یکشنبه، د مارچ ۳۰مه) د بریتانیا د شمال اولډم سیمې په رویټون کې ومړ.
چټک توپ اچوونکي سېسېل رایټ د ۲۰۱۹ کال په سپتمبر کې وروستۍ لوبه د بریتانیا په شمال کې «اپرمېل» کلب لپاره وکړه. د دې لوبې تر مهاله یې څه باندې ۷۰۰۰ لوبغاړي سوزولي وو.
رایټ په ۱۹۳۳ کال کې د جمېکا په «سنټا کروز» کې زېږېدلی و، په ۱۹۵۹ کال کې انګلستان ته ولاړ، او لومړی یې په نیمه مسلکي توګه د «لنکاشایر» لپاره د کرکټ خورا مشهورو ستورو، ګري سوبر او وېب رېچرډز، تر څنګ لوبه وکړه.
رایټ په لنکاشایر غوره لیګ سیالیو کې خورا ښه وځلېده. په وروستیو کلونو کې د میډیم پېسر په توګه کامیاب ثابت شو او همداراز په توپوهنه کې یې هم نوم وګاټه.
سېسېل رایټ د ۸۵ کالو په عمر وروستی ځل د «اپرمېل» لوبډلې لپاره په ۲۰۱۹ کال کې توپ اچوونه وکړه او تېره یکشنبه یې له فاني نړۍ سره مخه ښه وکړه.