امرالله صالح امریکا ته له وبللو مننه کړې، خو وايي له خپلو مشرانو سره له مشورې وروسته به تصمیم نیسي
امرالله صالح د افغانستان په اړه خبرو اترو لپاره امریکا ته وربلل شوی، خو صالح وايي، دا پرېکړه په یوازې ځان نه کوي، بلکې له خپلو مشرانو سره به سلا او مشورې کوي.
د پخواني ولسمشر لومړي مرستیال امرالله صالح د امریکایي چارواکو له خوا هغه هېواد ته له وربللو مننه کړې، او ویلي یې دي چې د خپلې ډلې له همکارانو سره تر مشورې وروسته به په دې اړه پرېکړه کوي.
له ولس سره د مشورو پایلو شریکول
امرالله صالح د پنجشنبې په ورځ د (لیندۍ ۱۵ مه) پخپله اېکس پاڼه لیکلي: «ما ته د خپلو مشرانو او همکارانو مشورې ارزښتناکې دي زه به ډېر ژر د دغو مشورو پایلې له تاسو سره شریکې کړم.»
نوموړي د امریکا د استازو جرګې، د غړي ټیم بورچټ له دغې بلنې مننه او ستاینه کړې او دا یې هم ویلي چې دغه سفر به د افغانستان په اړه هم ډېر ارزښتناک وي.
ښاغلي صالح دا هم ویلي چې: «تر هغې چې طالبان په افغانستان کې د واک پر ګدۍ ناست وي، نو امریکا نه شي خوندي کیدلای.»
نور ولولئ: امرالله صالح خپلو منتقدینو ته؛ د طالب ضد خوځښتونه پښتنو کې وو او دي
نور ولولئ: د امرالله صالح ګوند: د طالبانو لخوا زموږ غړي نه دي نیول شوي
نور ولولئ: امرالله صالح وايي، انور کاکړ د څو ورځو صدراغظمۍ په خاطر خپل قوم ته سپکاوی کوي
تېره اونۍ د امریکا د استازړو جرګې غړي ټیم بورچټ، د افغانستان د پخواني ولسمشر لومړي مرستیال امر الله صالح ته بلنه ورکړه چې د افغانستان په اړه د خبرو اترو لپاره واشنګټن ته سفر وکړي.
امریکا ته د صالح وربلل
ښاغلي صالح ویلي: «زه د طالبانو پر ضد د سیاسي ډلو سره خبرو اترو ته زیات ارزښت ورکوم او دغه خبرې اترې د افغانستان د راتلونکې لپاره هم ارزښتناکې دي.»
تیم بورچټ د امریکا د استازو په جرګه کې د ټرمپ له پلویانو څخه دی، هغه تر دې وړاندې هم له واشنګټنه غوښتنه کړې وه چې د طالبانو له مخالفو ډلو څخه دې ملاتړ وکړي.
نوموړي د وږي په میاشت کې د «ویانا له بهیر» څخه د امریکا د ملاتړ په اړه هم یوه تګلاره د استازو جرګې ته وړاندې کړې وه. په هغې تګلاره کې له امریکا او نورو هېوادونو غوښتنه شوې وه چې د ویانا په غونډه کې دې برخه واخلي.
خو کارپوهان وايي، پر امریکا ځکه باور په کار نه دی چې د دوحې تړون له مخې یې د افغانستان اسلامي جمهوریت په لوی لاس طالبانو ته وسپاره.
