اړوند مطالب:
څنګه له خوږو شیانو او سره کړو خوړو سره علاقه کمه کړو؟
په هېواد کې د غلو په حاصلاتو کې ډېر کموالي راغلي
کندهار کې د انځرو حاصلات د تېر کال په پرتله زیات شوي
د احصایې او معلوماتو ملي اداره وایي چې په ۱۴۰۳ کال کې، له ۳۴ زره ۵۰۰ ډیرې کاغذي پېژندپاڼې بهر
مېشتو افغانانو ته ویشل شوې دي. وايي، په دې خدماتو کې د نویو پېژندپاڼو ورکول، د المثنی پېژندپاڼو چمتو کول، او د پخوانیو پېژندپاڼو تصدیق کول شامل وو.
د احصایې او معلوماتو ملي ادارې د راپور له مخې، په ۱۴۰۳ کال کې ۳۴ زره ۵۹۲ افغانانو چې په بهر کې ژوند کاوه د کاغذي پېژندپاڼو پورې اړوند خدمات ترلاسه کړل. په دې خدماتو کې د ۸ زره ۳۶۵ نویو تذکرو ورکول، د ۶ زره ۷۵۵ المثنی تذکرو ورکول، او د ۱۹ زره ۴۷۲ پخوانیو تذکرو تایید کول شامل وو.
دې ادارې دا هم ویلي چې تیر کال یې ۶۶ زره ۲۱۳ اتباعو ته خدمات وړاندې کړي، چې پکې د نوي تذکرو ورکول، د المثنی تذکرې ورکول او د کاغذي تذکرو لغوه کول شامل دي. سربیره پر دې ۱۱۸ زره ۲۲۳ نورو خلکو د کاغذي پېژندپاڼې تصدیق خدمات ترلاسه کړي دي.
دې ادارې پر حضوري خدماتو سربیره په کابل کې د ۱۱۰ زره ۵۴۷ کسانو لپاره د کاغذي تذکرو د معلوماتو د سمولو لپاره په شخصي توګه خدمات چمتو کړي دي.
چارواکي وايي چې د احصایې او معلوماتو ملي اداره خلکو ته د دې خدماتو د وړاندې کولو مسوولیت لري او هڅه کوي چې د حضوري او غیرحضوري خدماتو وړاندې کولو له لارې د خلکو لپاره د دې هویت سند ترلاسه کولو پروسه اسانه کړي.
