اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د افغانستان د برېښنا شرکت اجرایوي رییس، عبدالباري عمر وايي چې له کورنیو سرچینو څخه د برېښنا د تولید درې ۱۳ نوې پروژې به پرانیستل شي.
ښاغلي عمر نن (پنجشنبې د دلوې ۱۱مه) په یوه خبرپاڼه کې ویلي چې دا پروژې به په راتلونکو یوه یا دوو میاشتو کې پرانیستل شي.
د خبرپاڼې د متن له مخې، “د کورني برېښنا تولید زیاتوالي او د لویو پروژو پرانیستلو ته په پام سره موږ په راتلونکو یا دوو میاشتو کې د خپلو ګرانو هیوادوالو لپاره ښه خبرونه لرو.”
افغانستان له کلونو راهیسې له وارداتي برېښنا ګټه اخلي، او دا مهال ۷۰ سلنه برېښنا له ګاونډیو هېوادونو واردوي.
د ویلو ده چې افغانستان ډېره برېښنا له تاجکستان، ترکمنستان او ازبکستان هېوادونو څخه واردوي چې وخت ناوخت پکې پرچاوۍ ستونزې هم رامنځته کېږي.
بلخوا د ژمي په ساړه موسم کې د برېښنا نشتون د هېوادوالو لپاره په جدي ستونزه بدله شوې، او د کورونو د تودولو لپاره له بدیلو لارو (ډبرې سکاره او ګازو) څخه استفاده وخت ناوخت د خونړیو پېښو لامل هم کېږي.
په ورته وخت کې برېښنا شرکت له ترکمنستان څخه د هېواد په شمال کې فاریاب، جوزجان، سرپل او بلخ ولایتونو ته د وارداتي برېښنا د قطع کېدو اعلان کړی هم کړی دی.
