پاکیستان –
د پاکستان لومړي وزیر عمران خان پر نړیوالې ټولنې غږ کړی چې د خپل مسؤلیت له مخې په افغانستان کې د بشري کړکیچ مخه ونیسي. نوموړي پنجشنبه پخپل ټوېټر پاڼه لیکلی پاکستان د افغان طالبانو د خارجه چارو وزیر امیر خان متقي ته اطمنان ورکړی چې افغانستان سره به ممکن بشري همکاری کوي.
یادی وړده چې د بهرنیو چارو وزیر امیر خان متقي په مشرتابه د طالبانو یو پلاوی دا مهال اسلام اباد کې دی او پنجشنبه یې د ټرایکا- پلس ناستې د نورو ګډونوالو- هېوادو له چارواکو سره هم لیدنه کړی. په اګست میاشت کې په افغانستان کې د طالبانو له واکمنۍڅخه وروسته دا پاکستان ته د طالبانو یوه لوړپوړي پلاوی لومړنی سفر دی. د افغانستان لپاره د پاکستان خاص استازي محمد صادق خان ویليچی د طالبانو د بهرنیو چارو وزیر امیر خان متقي د ټرویکا-پلس هېوادونو استازو سره ناسته کې د روان وضعیت په تړاو د خپل حکومت دریځ
دا هم ولولئ | د کرېکټ نړیوال جام: انګلستان او استرالیا نیمه پایلوبې ته ورسېدل
ښکاره کړی. د پاکستان ځانګړي استازي پخپله ټوېټر پاڼه لیکلي د ټرویکا-پلس هېوادونو استازو هم د خپلې ناستې په تړاو د طالبانو پلاوي ته معلومات ورکړه. همدا مهال د پاکستان خارجه وزیر شاه محمود قریشي ویلي افغان طالبان له نړیوالې ټولنې سره تعامل غواړي نو ځکه نړیواله ټولنه هم باید پخوانۍ تېروتنې تکرار نه کړي او طالبانو سره خبرې وکړي. ښاغلي قریشي دا څرګندونه پنجشنبه اسلام اباد کې د افغانستان په تړاو د ټرایکا پلس هېوادونو خاص غونډه کې وکړې. یاده غونډه کې د افغانستان لپاره د امریکا خاص
استازي ټام وېسټ، د روسیې ځانګړي استازي ضمیر کابلوف او د چین ځانګړي استازي هم ګډون درلود. د پاکستان د شاه محمود قریشي د دې ناستې کوربه وو او ترڅنګ یې د افغانستان لپاره د پاکستان خاص استازی محمد صادق خان او کابل کې د پاکستان سفیر منصور احمد خان هم موجود وو.
ښاغلي قریشي د غونډې پر ګډونوالو غږ وکړ چې له افغانستان سره بیړنۍ بشري مرستې وکړي او هلته د انساني کړکیچ مخه ونیسي. ښاغلی غونډې ته وویل موږ ټول د افغانستان په تړاو یو شان اندېښنې لرو او هغه هېواد کې مو ګټې هم شریکې دي. دې ګټو ته رسېدل زموږ د ټولو شریک مسؤلیت دی
